Димовски го „финтира“ судот откако виде дека на Груевски му успеа

Добивај вести на Viber

Пратеникот од редовите на ВМРО-ДПМНЕ, Илија Димовски, по примерот на својот некогашен партиски претседател Никола Груевски, побара денешното рочиште за случајот „Титаник“ да биде одложено поради неодложни обврски во Собранието.

Во понеделникот започна расправата на првата собраниска седница за уставни зимени и тогаш Груевски побара да биде ослободен затоа што како пратеник сакал да присуствува на истата, по што СЈО и Судот му одоброволија.

Но, денеска нема расправа за отворање на уставните амандмани, туку на собраниската агенда се други активности.

Судечкиот совет одлучи денешното рочиште да трае до 11 и 45. Во кривичниот суд во Скопје утрово продолжи судењето за предметот „Титаник” каде ќе бидат пуштени дел од необјавени телефонски разговори за изборни измами. 

 Во предметот „Титаник“ обвинети се 21 лице, меѓу кои, поранешниот премиер Никола Груевски, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.