Димовски: Власта не ми припаѓа на мене, на Заев или на Џафери, туку на граѓаните
Објавено во: Македонија 16 Октомври, 2018
Република Северна Македонија е трајно име со кое и ние ќе се обраќаме сами на себе, изјави пратеникот на ВМРО-ДПМНЕ, Илија Димовски, на вториот ден од собраниската расправа по Предлогот за пристапување кон уставните измени.
Тој вели дека пратениците немаат легитимитет да го менуваат името.
„Не е прв пат Влада да забега, тоа во Македонија се случува како по традиција“– рече тој.
Легитимитет, рече, имаат само граѓаните затоа што на нив им припаѓа власта.
„Тезите дека пратениците имаат право да одлучуваат во име на граѓаните е симптом на отуѓување. Власта не ми припаѓа на мене, на мојата колешка, на Заев или на Џафери, туку на граѓаните. Тие на избори не избраа ниту еден пратеник кој вети дека ќе го промени името на државата во Уставот, граѓаните на референдум не гласаа за поддршка на промена на името“ - вели пратеникот.
Додава дека власта и суверенитетот им припаѓа на граѓаните, и додека не го научатѕ тоа ќе се повторуваат грешките од минатото.