Директорката на Инфективна клиника, д-р. Стевановиќ: Ќе прогласиме ден Д-Нова Година кога ќе го пребродиме ова, не мора прослава на 31.декември
Објавено во: Македонија 12 Декември, 2020 13:51
Директорката на
Клиниката за инфективни болести, д-р. Милена Стевановиќ вели дека во овој
момент воопшто не ни се потребни ризици од типот на прослави на Нова Година,
слави, божикни празници. Вели дека секојдневно се соочуваат со исклучително
тешка борба за спасување животи на болните од корона вирусот, така што најмалку
е потребно да има дополнително зголемување на бројот на новозаразени пациенти.
- Обично младите инсистираат да слават, да се собираат на забави, па еве сега и прослава на Нова година. Но, каде се тука родителите. За нив ризикот од заболувањето е многу поголем. Ова е навистина критичен и тежок период, треба да ги стават во ред нивните деца, а тие пак треба да имаат совест и да послушаат. На Клиниката за инфективни болести во секое време имаме пациенти во тешка состојба, болничките кревети се максимално пополнети. Така што јас велам, ќе прогласиме ден Д-Нова Година кога ќе го пребродиме ова. Не мора прославата да се организира на 31.декември, вели д-р. Стевановиќ за Фактор.
Инаку, како што претходно пишуваше Фактор, веќе се бараат станови и викендички за прослава на најлудата ноќ, но тоа граѓаните го прават повеќе преку социјалните мрежи. Побарувачката преку агенциите за недвижности е драстично намалена за разлика од изминатите години.
Истовремено, Комисијата за заразни болести од понеделни ќе разгледува препорачување на евентуално нови мерки кои ќе се однесуваат на работното време на угостителските објекти за време на празничните денови.
А.Б.
Можеби ќе ве интересира
ФАКТОР НА ДЕНОТ: Казните од „Безбеден град“ официјално ќе почнат од 1 февруари
Наташа Крстевска-Цалева стана в.д. шеф на Вишото ЈО Скопје
Туфегчиќ: Од 15 обвинители, најмалку 5 не се согласуваат со вакво обвинение за „Пулс“
Шеесет и три јавори се засадени во Кочани во чест на загинатите во „Пулс“
Општина Аеродром за Зимзоленд: Земјиштето на кое е поставена манифестацијата е во приватна сопственост
„ЗДРАВСТВЕНИ УСТАНОВИ НАПЛАЌАЛЕ УСЛУГИ ОД ПАЦИЕНТИТЕ КОИ НЕ СМЕЕЛЕ“: Клековски по контролите во Итна помош и Домашна посета
ЦУК: Мал авион падна во Мавровското Езеро, едно лице повредено
СКЛАДИРАЛ ОТПАД ВО ДВОРОТ И ПЛАЌАЛ ЗА ДА МУ СОБИРААТ - Седум лица од Струмица добија кривична пријава за загрозување на животната средина
Уапсен референт од Прилепската болница, проневерил 250.000 евра уплати од граѓани
