Директорот на Агенцијата за eнергетика на РМ избран за Претседател на Групата екперти за енергетска ефикасност при ОН
Објавено во: Мои пари 26 Октомври, 2016
На седмиот Меѓународен форум за енергетика за одржлив развој, коj од 18-ти до 21-ви октомври се одржа во Баку, Азербејџан, директорот на Агенцијата за енергетика на Република Македонија Александар Дуковски беше избран за Претседател на Групата на експерти на UNECE (Економска Комисија на Обединетите нации за Европа) за енергетска ефикасност и со неа ќе заседава следните две години во рамките на средбите и меѓународните форуми кои се одржуваат под покровителство на Обединетите Нации.
„Во следните две години не очекува активен период каде ќе треба да се фокусираме на намалување на енергетскиот интензитет во земјите од регионот, зголемување на енергетската ефикасност во индустријата и да ги дефинираме градежните стандарди кои ќе овозможат оптимално искористување на енергетските извори. Земјите од УНЕЦЕ регионот се различни по своите социо-економски и климатски услови, тоа е предизвик кој треба да ни дава мотив да изнајдеме соодветни енергетски политики кои ќе го поддржат одржливиот развој на секоја земја од регионот“, истакна Дуковски на неговото обраќање пред групата на експерти на UNECE веднаш по неговиот избор за Претседател.
На Форумот организиран од страна на Владата на Азербејџан и Обединетите нации, присуствуваа над 300 меѓународни енергетски експерти, владини претставници, како и претставници од бизнис заедницата, финансискиот сектор, академските институции и граѓанското општество кои ги споделуваа своите перспективи за тоа какодоговорот од Париз за климатските промени и целите за одржлив развој можат да се спроведат. Во рамките на Форумот беа одржани и годишните седници на група на УНЕЦЕ на експерти за обновлива енергија и група на експерти за енергетска ефикасност, каде што директорот на Агенцијата за Енергетика Александар Дуковски беше избран за Претседател.
Целта на Седмиот Меѓународен форум за енергетика за одржлив развој е да се истражат насоките како да се постигнат националните обврски, како што се Национално Утврдените придонеси (INDC) за поддршка на остварување на целите за ублажување на климатските промени и нивно прилагодување според Договорот од Париз, вклучувајќи и инвестиции во обновливи извори на енергија и енергетска ефикасност како начин за намалување на јаглеродниот интензитет од енергетскиот сектор.
Можеби ќе ве интересира
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
Посета во Бимилк: 200 деца од градинката „Пролет“ го научија патот на млекото
ЕВН и „Макпетрол“ ќе постават 10 брзи полначи за електрични возила низ цела Македонија
