ДИРЕКТОРОТ НА ЦИА ЗА ПУТИН: Неговата првична цел да го заземе Киев и да ја потчини Украина се покажа како глупава

Добивај вести на Viber

Директорот на американската Централна разузнавачка агенција (ЦИА) Вилијам Барнс вели дека војната на Русија против Украина ја еродира контролата на власта на претседателот Владимир Путин, но и дека предизвикала „незадоволство“ во земјата.

Во есејот објавен на 30 јануари, Барнс, кој исто така служеше како амбасадор на САД во Русија и на највисоките позиции во Стејт департментот, ги повика американските пратеници да донесат нов пакет оружје и опрема за Украина.

Тој донесувањето на пакетот оружје и опремата за Украина го нарече „релативно скромна инвестиција со значителна геополитички приноси за Соединетите држави и забележителни приноси за американската индустрија“.

„Војната на Путин веќе беше неуспех за Русија на многу нивоа“, напиша Барнс во списанието „Форин аферс“.

Вели дека неговата првична цел да го заземе Киев и да ја потчини Украина се покажа како глупава и илузорна. 

„Неговата војска претрпе огромна штета“, рече тој.

Барнс вели дека најмалку 315.000 руски војници се убиени или ранети, две третини од рускиот предвоен инвентар на тенкови се уништени, а дека „фалената повеќедецениска програма за воена модернизација на Путин е уништена.“

„Неговата војна во Украина тивко ја нагризува неговата моќ дома“, рече тој

foto reuters