„ДИРЕКТОРОТ НА КПД ПРИЛЕП ИМА КРИВИЧНА ПРИЈАВА“: Левица со остра реакција, „незаконски назначен“

Добивај вести на Viber

Од политичката партија „Левица“ реагираат на последните измени на директорските позиции кои ги направи Владата. 

Нивните укажувања се дека на директорската позиција во затворот во Прилеп се назначува личност која добила кривична пријава за несовесно работење во службата. 

- На последната Седница на Владата за в.д. директор на КПД Прилеп беше назначен Емил ЈАНЕСКИ, поранешен функционер на СДС, а сегашен член на ЗНАМ. Јанески во 2020 година беше директор на ЈКП „Водовод и канализација“ - Прилеп и против него СВР Битола поднесе КРИВИЧНА пријава за „несовесно работење во службата“ и предизвикување штета врз буџетот од препријатието во висина од 2.3 милиони денари! - се наведува во соопштението на Левица. 

Од партијата нагласуваат дека токму во моментите кога се случила пријавата, ДПМНЕ на прес-конференција бараше Јавното обвинителство да реагира и да ги расчисти сомнежите за милионската проневера од Јанески. 

- Очигледно е дека криминалните кадри од СДС се инкорпорираа во ЗНАМ, со цел да добијат АМНЕСТИЈА од Мицкоски преку нивниот влез во власта.

Левица јавно ја повикува Владата на ДПМНЕ, наместо да дели директорски функции на кадрите од СДС којашто сама ги нарекуваше криминални (кои душмански ја краделе државата) - да ги достави документите за нивното криминално работење до Обвинителството и овозможи фер и транспарентна постапка да се докаже дали и за колку е оштетен народниот буџет - потенцираат од Левица. 

Воедно од партијата нагласуваат „дополнително, потсетуваме дека Емил Јанески е незаконски назначен за в.д. директор (исто како и Пандов), затоа што тој не е вработен во установата за чиј прв човек се назначува“. 

- Согласно законот, за вршител на должност, исклучително може да се назначи лице само од редот на вработените - потсетуваат од „Левица“. 

Фото: Левица