Директорот на струшката болница отфрла лекарска грешка во случајот со родилката на која и беа извадени органи
Објавено во: Македонија 19 Јануари, 2021
Бев дел од тимот хирурзи и гинеколози, работата ја извршивме совесно, и сме задоволни што на пациентката и го спасивме животот, вели во телефонски разговор за Телма, гинекологот Мухамед Асани кој е и директор на Струшката болница. Тој говори по обвинувањата на пациентка од Дебар дека после породување со царски рез во оваа здравствена установа, останала без матка, бубрег и јајник поради лекарска грешка.
Јелдз Веапоска од Дебар, медицинска сестра од итната помош, преживува вистинска голгота откако се породила во болницата во Струга со царски рез, но од операцијата излегла без матка, бубрег и без еден јајник.
По породувањето родилката чувствувала големи болки и има крварење кое не запира…
Таа за Сител ја раскажа голгота низ која поминала.