Дивидендата на УНИБанка порасна за 29 отсто! Колку ќе исплати на своите акционери?

Добивај вести на Viber

УНИБанка поставува стандарди и тоа е впечаток на бројни претставници на инвеститорската заедница. Сите искажуваат респект за потегот на раководството на УНИБанка со кое дивидендата се зголеми за 29 отсто, односно едно евро повеќе во споредба со претходната година. Приносот по акција? Солидни 5,2 отсто на последната пазарна цена

УНИБанка ќе ги награди своите акционери со дивиденда во бруто износ од 2,5 милиони евра. Ова е предлогот за кој ќе гласаат сопствениците на акции на таа банка на претстојното акционерско собрание, кое ќе се одржи на 4 мај годинава. Од износот наменет за сопствениците на акции една десетина односно 250.000 евра ќе инкасира и државата преку данокот (персоналец) за домашни физички и (задршка) за странски физички лица.

Со овој потег менаџментот ја прави акцијата на УНИБанка многу конкурентна на акциите на најголемите деловни банки во земјава кои имаат беспрекорна дивидендна репутација.

УНИБанка втора година по ред дели дивиденда, а годинава таа ќе биде 255 денари нето за акција што претставува принос од 5,2 отсто на последната пазарна цена на акцијата. Бруто дивидендата изнесува 283 денари.

Во овој момент акцијата на УНИБанка од аспект на приносот од дивиденда е за 44 отсто поатрактивна од акцијата на друга голема и силна банка која ја објави својата дивиденда.

Сепак мора да се има во предвид фактот дека инвеститорите секогаш даваат предност на компаниите со беспрекорна дивидендната репутација која е обезбедена преку континуитетот во исплата на годишни дивиденди.

И УНИБанка од лани е во групата компании кои делат дивиденда на своите акционери. Вредно да се истакне е дека дивидендата за добивката од 2021 година исплатена лани изнесувала 220 денари (бруто) и годинава ќе биде исплатена дивиденда што е за 28 отсто повисока од претходната година.

Овие информации содржат голем потенцијал за раст на пазарната цена на таа акција во скромната понуда на Македонската берза за хартии од вредност.

УНИ Банка ја имаше својата најдобра деловна година лани. Нејзината добивка изнесува 5,55 милиони евра, а добивката по акција надмина 10 евра. Во споредба со претходната година добивката на УНИ Банка порасна за 56 отсто.