Добивката на „Охридска банка“ во третиот квартал како „Афричка слива“!
За 90 дена профитот на банката пораснал за речиси 3 милиони евра. На крајот на септември добивката на банката е за 65 отсто поголема од добивката книжена на крајот на јуни, годинава, а за 15 отсто повеќе од крајот на септември лани
Објавено во: Финансии 07 Ноември, 2016 07:32
„Охридска банка“ има извонреден трет квартал годинава , покажуваат официјалните податоци од неревидираниот биланс на успех што го објави банката на сајтот на Македонската берза. Добивката на крајот на септември достигна износ од 425 милиони денари (околу 7 милиони евра) и во споредба со крајот на јуни бележи феноменален раст од 170 милиони денари (безмалку 3 милиони евра) односно феноменални 65 отсто! Во споредба со истиот период лани (крајот на септември 2015 година) банката книжи раст на добивката за 17 отсто односно 55 милиони денари.
Во што е тајната на успехот?
Од она што може да се види од достапните податоци во билансот на успех за периодот јули-септември се гледа дека феноменалниот раст е микс на низок раст за расходи и резервации и солиден раст за нето приходи од камати, провизии, курсни разлики, а при тоа ниту една ставката не прави драстична разлика во споредба со износите за првите шесет месеци годинава. Нето приходите од продажба кои се најзначајна ставка растат за 286 милиони денари што е само 10 милиони денари раст во односн на просекот по квартал за првите две тромесечја оваа година.
Кај резервациите кои се многу значајна расходна ставка забележливо е дека тие растат поблаго и со помал интензитет од просекот за првите два квартали. Така во периодот јули-септември резервациите за кредитните пласмани на банката пораснале 40,8 милиони денари, а просекот за тромесечје за првиот и за вториот квартал е 63,8 милиони денари што покажува дека по овој основ банката имала понизок трошок за 23 милиони денари. Сума сумариум соодносот за периодот јули-септември е следниот: нето приходи од камати, провизии и курсни разлики е 383,3 наспрема расход за резервации, вработени, амортизација и останати трошоци кој изнесува 211,7 милиони денари. Резултат е добивка за кварталот кој стигнува до 170 милиони денари.
Профитот расте зашто третина денар трошок за камата лани сега станува четврт денар трошок за камата!
Бруто приходите од камати, најважната ставка, во првите девет месеци достигнала 1,14 милијарди денари при што трошоците за камати на банката биле помалку од 300 милиони денари. Соодносот е на 1 денар приходи од камати соодветствува една четвртина денари расход за камати. Во 2015 година Бруто приходот од камати на крајот на септември бил 1,1 милијарди денари, а расходот за камати бил 364,4 милиони денари. Од ова произлегува дека на секој 1 денар приходи од камати банката одвојувала третина денар.
Ова значи дека банката во услови кога реално ги зголемила своите бруто приходи, сепак поуспешно успеала да ги намали своите расходи: односно тоа што лани го плаќала како една третина денар за секој денар приход од камати сега успеала да го спушти на една четвртина денар трошок за камата за секој денар бруто приход од камата! Тука е клучот на раст на профитот на банката.
Еве ги на кратко и клучните податоци за првите девет месеци годинава: нето приходи од камати се 838,6 милиони денари, нето приходите од провизии се 195,9 милиони денари. Резервациите се 168,3 милиони денари, добивката е 425 милиони денари.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
