„Договор за закуп од 01.12.1989 година со валута која не е во примена“: ДЗР со низа забелешки за Основниот граѓански суд

Објавено во: Финансии 11 Септември, 2024 10:45
Недостигаат одредби за утврдување на платите на вработените во судовите кои вршат технички и помошни работи, констатира Државниот завод за ревизија (ДЗР) во системските слабости што ги утврдил од извршената ревизија на финансиските извештаи и ревизија на усогласеност на Основен граѓански суд Скопје (Сметка на основниот буџет 603, Сметка на основниот буџет 631 и Депозитна сметка 696).
Во апстрактот од извештаите ДЗР наведува дека средствата кои се издвојуваат од Буџетот за 2023 година за финансирање на Судската власт не го достигнуваат законски утврдениот процент од 0,8 проценти од Бруто домашниот производ на Буџетот на Република Северна Македонија, односно одобрените средства во износ од 2.690.800 илјади денари претставуваат 0,3 проценти од БДП и истите се за 58 проценти помали од законски утврдениот лимит.
Утврдено е и дека не е пропишана формата и содржината на обрасците за водење на судски депозити, како и дека има неусогласеност во законската и подзаконската регулатива во дефинирањето на сопственоста на застарените депонирани предмети по истекот на десет години од нивното предавање.
Во клучните утврдени состојби стои дека има отсуство на веродостојни, вистинити и уредени сметководствени документи за потврда на набавната вредност на зградата во која е сместен судот, како и недвижни ствари кои не се евидентирани во сметководствената евиденција на судот поради неизвршено примопредавање на истите.
Се констатира и дека не е обезбедена поткрепувачка документација за извршен физички попис. Исто така, дека е склучен договор за закуп на деловна просторија на 01.12.1989 година со валута која не е во примена. До денес не е изготвен нов договор за закуп или анекс на постоечкиот договор, со утврден месечен надомест во валута која официјално е во оптек од 2002 година и депозитите се со утврдена старосна структура и се однесуваат на период 2005 - 2023 година но не е утврден статусот на предметите по судските депозити завршени /незавршени со цел преземање мерки за евентуално враќање на судскиот депозит или уплата на средствата во Буџетот на Република Северна Македонија, стои во наодите од извештаите на ДЗР кои се достапни на линкот.
Можеби ќе ве интересира
БЕРЗАТА ДОСТИГНА НОВ МАКСИМУМ - азиските индески со голем скок по најавата на Трамп за царини кон Канада

ИЗБОРНА КАМПАЊА НА ДРЖАВНА СМЕТКА: Еве како партиите си ги финансирале кампањите за изборите во 2024

НОВ УСПЕХ - Nvidia достигна пазарна капитализација од 4.000 милијарди долари

ВЕШТАЧКАТА ИНТЕЛИГЕНЦИЈА ПОЧНУВА ДА СЕ ЗАКАНУВА: „Ако ме исклучите, ќе се каете, ќе има последици“

Стевкова - Штериева останува во Надзорниот одбор на КБ Прво Пензиско друштво, еве кој е нов член

Милијардери, светски ѕвезди и една Македонка ги следат мечевите на Новак Ѓоковиќ на Вимблдон и на останатите турнири од првите редови - која е таа?

МФ: 16 меѓународни финансиски институции и комерцијални банки заинтересирани за финансирање на брзата пруга

ОВА СЕ НАЈПЛАТЕНИТЕ ФУНКЦИОНЕРИ НА ЕВРОПСКИОТ ПАРЛАМЕНТ: Нивните плати предизвикуваат негодување, а зголемувањето допрва доаѓа

ТРКА ПО БОГАТИ СТРАНЦИ: кој во Европа се обидува да ги задржи богатите, а кој се обидува да ги привлече
