ДОМАШНИТЕ БАНКИ ПАК ГО КРЕДИТИРАА СИГУРНИОТ ВРАЌАЧ - државата се задолжи за над 22 милиони евра, ова се каматите
Објавено во: Финансии 14 Февруари, 2025 13:01
Владата се задолжи за 22,3 милиони евра на домашниот пазар, а обврзницата од денеска почна и да котира на Македонската берза за долгорочни хартии од вредност.
„Ве известуваме дека согласно поднесено барање од страна на Министерството за финансии на Република Северна Македонија за котација на државни обврзници, почнувајќи од 14.02.2025 година на Официјалниот пазар на потсегментот Берзанска котација ќе бидат примени на котација државните обврзници“, наведуваат од берзата.
Станува збор за државни обврзници без девизна клаузула, и тоа петнаесетгодишна, при што вредноста на емисијата е 1,369 милијарди денари или околу 22,3 милиони евра.
Датумот на издавање е пред една недела, а парите треба да се вратат до 6 февруари 2040 година, односно после 15 години.
Каматната стапка е 5,1 отсто, што, мора да се констатира, дека е намалување во однос на претходните бројни издавања на вакви петнаесетгодишни државни хартии од вредност, кога каматата изнесуваше 5,6 отсто.
Тоа значи дека трендот на намалување на каматите постепено се префрла и кај државните хартии од вредност, што ќе направи и државата малку да здивне од плаќање на високи каматни стапки.
Н.Н.Ф.
Можеби ќе ве интересира
ОТРОВ ШТО ДОНЕСЕ МИЛИЈАРДИ: На индустријата и требаа години да се ослободи од црвената боја
ТРАМП САКА САМО ЕДНО: Кој ќе попушти прв, Зеленски или Путин?
ОВИЕ ИНДУСТРИИ НОСАТ МИЛИОНСКА ЗАРАБОТКА: За нив ретко се зборува, но секогаш има работа
ПАЗАРНАТА ВРЕДНОСТ НА ТЕСЛА СЕ НАМАЛИ ЗА 10 МИЛИЈАРДИ ДОЛАРИ: преку ноќ паѓа богатство на Маск
НОВИ „ШКОДИ“ ЗА ВЛАСТА, ДОНИРАНИ АМБУЛАНТНИ ВОЗИЛА ЗА БОЛНИЦИТЕ И „ПРАИСТОРИСКИ“ ПРОТИВПОЖАРНИ ВОЗИЛА: Возниот парк на политичарите, здравствените установи и пожарникарите
ЕУ ПЛАНИРА ДА УКИНЕ ДЕЛ ОД МОНЕТИТЕ - цените ќе се заокружат, еве што се крие зад одлуката
БОМБА ВО МОДНИОТ СВЕТ: По 30 години, заминува Донатела Версаче, еве кој ќе ја замени
АКО ВОЗИТЕ ЕДЕН ОД ОВИЕ АВТОМОБИЛИ, ИМАТЕ ЗЛАТНА КОКОШКА! Ова е листата на возила чија вредност ќе се зголеми во 2025 година
КРАЛОТ НА ЛУКСУЗОТ ПОЛЕКА ПРОПАЃА? Сакаше да преземе два од најпознатите брендови - се тргна надолу
