Дорис Пак се сретна со Мицкоски, а потоа го „закопа“
Објавено во: Македонија 08 Ноември, 2018
Искусната германска политичарка и долгогодишен учесник во меѓународните институции Дорис Пак упати критики до лидерот на ВМРО-ДПМНЕ, Христијан Мицкоски, на конгресот на сестринските партии, односно на Европската народна партија во Хелсинки.
„Неприфатливо е осумте пратеници од ВМРО кои гласаа за договорот со Грција и за европска иднина на земјата да се третираат како криминалци. ЕПП тоа не смее да го толерира", напиша на својот твитер-профил Дорис Пак.
Претседателка на асоцијацијата на жените на ЕПП ова го напиша по средбата со претседателот на ВМРО-ДПМНЕ Христијан Мицкоски во Хелсински.
Делегација на ВМРО-ДПМНЕ во состав Христијан Мицкоски, Александар Николовски и Влатко Ѓорчев е поканета на Конгресот во Хелсинки, но во последно време овој сојуз на десничарски партии е со резервиран однос кон македонската опозиција по исклучувањето и разрешувањето на партиски функционери и пратеници.