Државниот студентски дом – Скопје: Да престанат обидите за дискредитација на нашата работа

Добивај вести на Viber

Државниот студентски дом – Скопје реагира на прилозите кои во изминатите два дена се објавуваат во дел од медиумите, во кои често се пренесуваат и ставови на студенти- членови на таканаречениот Студентски пленум со цел тенденциозно да обвини менаџментот на домовите за наводна негрижа околу обезбедувањето на топлинска и електрична енергија.

„Би сакале да информираме во сите три државни студентски домови системите за парно греење тековно се одржуваат и функционираат без проблем, а јачината на топлината е идентична како и во сите други објекти во градот кои се поврзани на централната мрежа. Секако, во услови на екстремно ниски температури на студентите им е дозволено да вклучуваат и дополнителни грејни тела. По однос на електричната енергија, како резултат на ниските температури во текот на вчерашниот ден настана дефект во мрежата на ЕВН и прекин на дистрибуцијата до еден дел од студентскиот дом “Кузман Јосифовски – Питу“, за што студентите корисници на нашите услуги беа информирани, исто како и медиумите кои се обратија до нас за информација. Веднаш ги известиме стручните служби, кои работеа деноноќно и денес состојбата е нормализирана“ -велат оттаму. 

Апелираат конечно да престанат континуираните напади и обиди за дискредитација на работата на Државниот студентски дом - Скопје, затоа што како што велат континуирана е нивната грижа кон студентите и објектите во кои тие се сместени и престојуваат, во текот на целата година.