Државата ќе го преземе Cимпо?

Добивај вести на Viber

Компанијата Cимпо која е најголем активен даночен должник во Cрбија, нема да мора да го подмири својот долг, бидејќи државата ќе ја земе во своја сопственост, пишува српски „Блиц“. По објавувањето на списокот на најголеми даночни должници, инспекторите, при наплатата, најмногу ќе ги притиснат активните фирми и претпријатија, бидејќи другите должници се реконструираат или се во стечај. Иако шпекулациите околу преземањето на Cимпо од страна на државата се се погласни, во компанијата уште ништо не знаат за ваквите намери на властите. „Очекуваме повик од Министерството за финансии како одговор за решавање на проблемите. Ние самите ги подмирувавме долговите до почетокот на 2011 година, а на вработените и понатаму редовно им исплаќаме здравствено осигурување“ - изјавил генералниот директор на Cимпо, Cлаѓан Дисиќ. Тој наведува дека и оваа одлука на државата не се поклопува со заклучокот на Владата од февруари 2010 година, според кој, државата ја презеде обврската да ги подмири даноците и придонесите на Cимпо до денот на конечната приватизација.