Добивај вести на Viber
Државата денеска на домашниот пазар се задолжи со нови 13,3 милиони евра, а веќе утре во приватниот сектор треба да врати 6,5 милиони евра.
Преку аукции на државни записи државата денеска се зајми со 3,6 милиони евра, иако побаруваше 6,7 милиони евра. Преку една аукција на државни обврзници со рочиште од 10 години државата се задолжи за уште 9,7 милиони евра. Според календарот на Министерството за финансии утре во прватниот сектор државата треба да врати 6,5 милиони евра.
Според последните податоци на финасии, јавниот долг на централната влада заклучно со јуни изнесува 34,5% од бруто домашниот производ. Вкупниот долг на Владата изнесува 2 милијарди и 792 милиони евра. Само внатрешниот долг на Владата изнесува милијарда и 217 милиони евра.
За домашната експертска јавност не е спорно нивото на задолженост, туку капацитетот и финансиската кондиција на државата да го сервисира долгот. Задолжување за раздолжување, без економски раст, не е соодветно решение, коментираат експертите.