ДУИ КАТЕГОРИЧНИ: Груевски повикува на нетрпеливост, во Влада само со Заев

Добивај вести на Viber

Потпретседателката на ДУИ денеска изјави дека повиците на лидерот на ВМРО ДПМНЕ Никола Груевски на нетрпеливост не се добри за иднината на земјата и дека не би требало да бидат дел од програмите на политичките партии.

„Иднината на сите граѓани, без разлика на верата и нацијата, е ЕУ и поради тоа е важно да се најде решение за сите парашања, а повикувањата на нетолеранција не е добро за иднината на земјата“, рекла Арифи по состанокот со шефот на делегацијата на ЕУ во Скопје Самуел Жбогар.

ДУИ одлучи дека ќе биде дел од новата влада која ќе ја предводи СДСМ и Зоран Заев, иако претседателот Ѓорге Иванов одбива да му го даде мандатот за премиер. Иванов образложи дека „совеста и Уставот не му допуштаат мандатот да го даде на личност и партија чија платформа е уривање на суверенитетот на Македонија“, алудирајќи на декларацијата која албанските партии ја поставија како услов за формирање на влада.

На протестите против таа декларација граѓаните ги повика Никола Груевски, кој се обидува да спречи Заев да ја формира владата со ДУИ, бидејќи претходно на него не му успеа, како тврдат во ДУИ, разминувајќи се околу работата на Специјалното јавно обвинителствп за прислушување на разговори. 

Високи функционери од ДУИ неколку пати јавно повторија дека и Груевски во текот на неуспешните преговори се согласил на истите услови на кои се согласил Заев поради кои сега поранешниот премиер ги критикува и прогласува за уривачи на државата.

Заев мнозинството од 67 пратеници во парламентот со 120 места го формира со три партии на Албанците во Македонија, кои ги отфрлија обвинувањата дека нивната декларација го урива суверенитетот на Македонија. Поддршка за формирање на таа коалиција и идна влада дадоа и ЕУ, САД и НАТО.