„ДУИ СЕ ОБИДЕ ДА И ДАДЕ ПОЛИТИЧКА ДИМЕНЗИЈА НА ТРАГЕДИЈАТА, МАНИПУЛИРА СО СЕМЕЕН КОНФЛИКТ“: Вреди со контрареплика

Добивај вести на Viber

Коалицијата ВЛЕН реагира со најдлабока индигнација за случајот во кој беше повреден активистот и носител на листата на НАИ во Липково, Зеќирија Шаини.

- Особено загрижува фактот што политичките опоненти, предводени од ДУИ, се обидоа да ѝ дадат политичка димензија на оваа трагедија, грубо манипулирајќи со семеен конфликт во сред изборна кампања.

Но, случајот се покажа како семеен проблем и нема никаква врска со политиката.
ДУИ доживеа тежок пораз, бидејќи не ѝ успеа обидот да ја искористи ситуацијата за сопствена политичка корист - нагласуваат од партијата во соопштението испратено до медиумите. 

Додаваат дека ДУИ биле демантирани и од самиот нивен активист, Зеќирија Шаини, кој јавно изјави дека нема политичко непријателство со никого, со што паднаа во вода сите тврдења за наводен „политички атентат“.

- ДУИ сакаше да се претстави како херој во туѓи сметки – но тоа не помина.
Наместо да придонесе за смирување на ситуацијата, партијата повторно приредува политички театар, обидувајќи се, како и секогаш, да создаде перцепција дека „некој работи против нив“.

- Загрижени сме од вооружениот напад врз нашиот кандидат и носител на листата во Липково, кој беше застрелан од маскирани лица. За среќа, неговиот живот е надвор од опасност и тој ја добива потребната медицинска нега - кажаа од ДУИ, со апел до партиското членство, поддржувачите и симпатизерите да останати смирени, да не подлегнуваат на провокации. 

Во знак на солидарност, ДУИ најави дека ги стопира активностите од кампањата за локaлните избори. 

Повеќе на темата: 

Во Куманово пукано во носител на советничка листа на ДУИ

ОБЈАВЕНО ВИДЕО ОД КУМАНОВО: Од улица пука кон Шаини, па бега

Полицијата ја уапси сопругата на Шахини од ДУИ кој беше ранет во Куманово