ДУНАВ ВО УНГАРИЈА СТИГНА ДО СОБРАНИЕТО: се подготвуваат за катастрофа - се огласи и Орбан (ВИДЕО)
Објавено во: Свет 19 Септември, 2024
Дунав ги надмина највисоките квоти во Унагрија, особено во главниот град каде уште од вчера го поплави кејот. Денеска состојбата е уште подраматична, водата стигна до зградата на парламентот, поплавен е и центарот на Будимпешта.
Според прогнозите, водостојот на Дунав во Будимпешта викендов ќе го достигне својот врв, околу 850 сантиметри.
Силни ветрови и невообичаено обилни врнежи погодија делови од Австрија, Чешка, Унгарија, Полска, Романија и Словачка. Најмалку 22 лица загинаа во екстремни временски услови и поплави предизвикани од циклонот Борис во централна Европа.
Орбан: „Ова е најтешка фаза“
Стапи на сила указот на унгарскиот премиер Виктор Орбан за заштита од поплави, со кој се наредуваа координирани мерки за заштита на целата територија на Унгарија, а Орбан рече дека во тек е најтешката фаза на заштита, која се очекува да трае до следниот четврток.
Врвот на бранот поплави ја погоди Унгарија во вторникот вечерта, изјави Орбан за новинарите, додавајќи дека надлежните служби, армијата, Министерството за внатрешни работи и волонтерите ќе работат на заштита на областите загрозени од бранот поплави од западните делови на земјата.
- Ова е најтешкиот период. Ќе трае околу една недела или осум дена почнувајќи од денеска – рече тој.
The Danube has flooded in Budapest, Hungary. pic.twitter.com/H457DoUdst
— Russian Market (@runews) September 19, 2024
Според него, досега се евакуирани 4.392 лица, а најзагрозени подрачја се Пилишмарот, некои делови од автопатот 11 на северозапад од земјата и островот Маргарет, како и метро станицата на плоштадот Баќањи во Будимпешта, каде што управувањето со водните ресурси експертите работат на пренасочување на протокот на вода.
Според указот што го потпиша, активностите во областа на одбраната ги координира министерот надлежен за одбрана од катастрофи, односно министерот за внатрешни работи, Шандор Пинтер.
The #Danube, which has overflowed its banks, has begun to #floodalert the streets of #Budapest. pic.twitter.com/xE7VDznCiI
— News.Az (@news_az) September 19, 2024
Владината уредба се однесува на „утврдување на координирани одбранбени активности и воведување одредени мерки во нејзини рамки“.
Фото: Принтскрин/ТвитерМожеби ќе ве интересира
КОПНЕНАТА ИНВАЗИЈА НА ИЗРАЕЛ ВО ЛИБАН: Експерт анализира дали ќе се случи и колку долго би можела да трае
РУСКАТА СЛУЖБА ОТКРИ КОЈ УЧЕСТВУВАЛ ВО ЕКСПЛОЗИИТЕ НА „СЕВЕРЕН ТЕК“ - прстот го вперија кон две земји
Ќе го пукне ли како балон Нетанјаху митот за непобедливоста на Хезболах?
ПОКРЕНАТА ТУЖБА ПРОТИВ ГРАДОНАЧАЛНИКОТ НА ЊУЈОРК - ова се случува прв пат во историјата на градот
„КОЈ ПРВ ЌЕ ПОВЛЕЧЕ ЌЕ БИДЕ ПРОКОЛНАТ“: Светот не би ѝ простил на Русија за користење нуклеарно оружје
СО НОВ СУПЕР БРЗ ВОЗ ОД БЕРЛИН ДО ПАРИЗ: Ќе се стигнува за осум часа, почетна цена за карта е 60 евра
