Дурловски се огласи по изјавата на Заев да си простат за 27 април
Објавено во: Македонија 15 Октомври, 2018
Подарена слобода на неправедно обвинетиот, прифатена како милост од ,,горе”, ќе биде претежок товар врз плеќите на еден родител, пријател, Mакедонец, кој цел живот се бори токму за една ВИСТИНСКА…СЛОБОДА!, напиша попладнево опрерскиот пејач, Игoр Дурловски на својот ФБ профил по излагањето на премиерот Зоран Заев во кое понуди помирување за настаните од 27 април.
Претходно и Борис Дамовски и претеникот Јохан Тарчуловски преку социјалните мрежи испратија порака дека не сакаат амнестија.
И двајцата се обвинети за настаните во Собранието од 27 април минатата година.
Премиерот Зоран Заев денеска во Собранието повика на помирување.
„Еве прилика да си простиме, да кажеме доста е, да си простиме пред грешките. Ајде да почнеме од тој април 27 кога прва мета бев јас, а потоа сите други пратеници кои беа мета на изманипулирани поединци“, посочи премиерот.
Тој повика да се гласа за иднината.