ДВЕ ФАЗИ НА БОРБА: Израел тврди дека уништил 16 или 17 од 24 единици на Хамас

Добивај вести на Viber

Израелскиот премиер Бенјамин Нетанјаху вели дека Израел уништи околу две третини од борбените сили на Хамас во Газа. Тој вети дека ќе ја продолжи војната до „целосна победа“. Досега, 16 или 17 од 24 единици се уништени. После тоа, следи (фаза) на чистење на територијата (од милитанти).

„Постојат две фази на борби: првата е уништување на единиците на Хамас, тоа се нивни организирани борбени рамки“, рече Нетанјаху на прес-конференција во Тел Авив.

Првата акција е обично пократка, втората обично трае подолго. 

Држејќи фотографија од паднатиот израелски војник, Нетанјаху рече дека војниците не загинале залудно и вети дека борбите ќе продолжат додека Хамас не биде поразен и заложниците не се вратат од Газа.

„Ќе бидат потребни многу месеци за да победиме, но ние сме решени да го постигнеме тоа“, рече Нетанјаху.

Во израелските напади синоќа и утринава загинаа 93 лица, а најмногу жртви има на југот на Појасот Газа, каде Израел ги засили своите воени операции, соопшти палестинската исламистичка организација Хамас, која владее со таа територија.

Од САД велат дека нема начин да се решат долгорочните безбедносни предизвици за Израел и краткорочните предизвици за обнова на Газа без формирање палестинска држава. 

Европскиот парламент за првпат повика на „траен прекин на огнот“ во Газа и почеток на политички напори за изнаоѓање решение за војната меѓу Израел и Хамас. 

Војната во Газа започна кога терористите на Хамас го нападнаа јужниот дел на Израел на 7 октомври, убивајќи 1.200 луѓе и земаа 240 заложници. Израел тврди дека повеќе од 130 луѓе се во заробеништво на Хамас. Во Газа загинаа најмалку 24.500 Палестинци.