16 Јануари, 2021
0.0336

Две милијарди дози вакцина против Ковид-19 за сиромашните земји

Објавено во: Свет, Корона Вирус 23 Ноември, 2020

Земјите во развој следната година ќе добијат речиси две милијарди дози вакцина КОВИД-19 во „мамутска операција“, соопшти УНИЦЕФ.

Агенцијата на ООН објави дека соработува со 350 авио и логистички компании за доставување потребни вакцини во сиромашните земји како Бурунди, Авганистан и Јемен, како дел од COVAX глобалниот план за дистрибуција на вакцини на Светската здравствена организација (СЗО).

„Соработуваме во оваа област со цел да обезбедиме доволен капацитет за транспорт за оваа историска мамутска операција“, рече Етлева Кадили, директор на одделот за снабдување на УНИЦЕФ.

Целта на COVAX, проект заеднички предводен од СЗО, групата GAVI и Коалицијата за епидемиолошка подготвеност, е да спречи одделни земји да натрупаат вакцини за COVID-19 само за себе  и да обезбеди вакцини за сите најранливи групи во сите земји во светот.

Лидерите на 20-те најбогати земји во светот собрани на Г-20 виртуелниот состанок во сабота и недела ветија дека ќе обезбедат фер дистрибуција на вакцини, лекови и тестови, за да не останат изоставени сиромашните земји.

Дури и пред да започне пандемијата, пристапот до вакцината не беше ист за сите, бидејќи околу 20 милиони бебиња не можеа да добијат вакцини што ќе ги заштитат од сериозни болести, попречености или смрт, соопшти СЗО.

„Потребна ни е целосна достапна помош додека се подготвуваме да доставиме дози на вакцини, инјекции и заштитна опрема за да ги заштитиме здравствените работници ширум светот“, рече Кадили, официјален претставник на УНИЦЕФ, кој е најголемиот купувач и дистрибутер на вакцини во светот.

И покрај сегашната пандемија, УНИЦЕФ дистрибуира над две милијарди дози редовни вакцини секоја година во скоро 100 земји.

Здравствените регулатори се очекува да ги одобрат првите вакцини за коронавирус до крајот на оваа година.


Можеби ќе ве интересира

(ВИДЕО) СИЛНИ ЗЕМЈОТРЕСИ ВО ИНДОНЕЗИЈА И ГВAТЕМАЛА: Се бројат жртви

(ВИДЕО) СИЛНИ ЗЕМЈОТРЕСИ ВО ИНДОНЕЗИЈА И ГВAТЕМАЛА: Се бројат жртви

Лекар од Русија тврди дека напролет полесно ќе се борат со коронавирусот

Лекар од Русија тврди дека напролет полесно ќе се борат со коронавирусот

Фајзер ја намалува испораката на вакцини во Европа, немаат доволно произведено

Фајзер ја намалува испораката на вакцини во Европа, немаат доволно произведено

Норвешка предупредува: Вакцините против Ковид-19 се премногу ризични за пациенти над 80 години

Норвешка предупредува: Вакцините против Ковид-19 се премногу ризични за пациенти над 80 години

ВО ЊУЈОРК ВИСТИНСКА ДРАМА КАКО НА ФИЛМ - дел од автобус виси на надвозник, има и повредени

ВО ЊУЈОРК ВИСТИНСКА ДРАМА КАКО НА ФИЛМ - дел од автобус виси на надвозник, има и повредени

Високите нивоа на Д3 витаминот придонесува заболувањето од Ковид-19 да биде со полесна клиничка слика

Високите нивоа на Д3 витаминот придонесува заболувањето од Ковид-19 да биде со полесна клиничка слика

ОПТИМИСТИЧКА ПРОГНОЗА: Руски лекар тврди дека брзо ќе се справиме со пандемијата

ОПТИМИСТИЧКА ПРОГНОЗА: Руски лекар тврди дека брзо ќе се справиме со пандемијата

Ќе имаме повеќе видови на коронавирусот, затоа немојте да патувате, вели Вилер

Ќе имаме повеќе видови на коронавирусот, затоа немојте да патувате, вели Вилер

НАСИЛНИ ПРОТЕСТИ ВО БРИСЕЛ: Се бара правда за смртта на момче со африканско потекло

НАСИЛНИ ПРОТЕСТИ ВО БРИСЕЛ: Се бара правда за смртта на момче со африканско потекло