ДВОЈНО ПОГОЛЕМ БРОЈ НА НОВОЗАРАЗЕНИ САМО ЗА 20 ДЕНА: Бројот на позитивни на Ковид-19 надмина 6.000

Добивај вести на Viber

Со последните 172 позитивни на корона вирусот во Македонија, бројот надмина 6.000, односно сега се регистрирани точно 6.092. Ова претставува двојно зголемување на бројот на новозаразени со Ковид-19 и тоа за неполн месес. Во нашава земја, според официјалните податоци, во последните три недели имаме повеќе од 3.000 позитивни случаи на корона вирусот, што е двојно повеќе за сиот период, од почетокот на епидемијата во Македонија, односно од март до крајот на мај, односно до првата недела во јуни.

Според статистичките податоци кои секојдневно ги објавува Министерството за здравство, до првата недела во јуни се регистрирани 3.045 случаи на заразени од вирусот, но веднаш потоа бројките нагло почнуваат да се зголемуваат, каде во тек на едно деноноќие се регистритаат новозаразени од над 100 до 196, (највисокот број е регистрирани на 13 јуни).

Тоа што загрижува, според коментарите на граѓаните на социјалните мрежи, е дека процентуално е многу висок бројот на новозаразените, бидејќи од последните 870 направени тестови, 172 се позиртивни, што претставува дури 20 проценти.

Истовремено, повеќе од алармантен е бројот на починати. Со последните 9 пациенти кои починаа, вкупната бројка е 286. Од почетокот на епидемијата до почетокот на јуни во Македонија имаше вкупно 153 починати од корона вирусот, а во последните три недели има 133 пациенти кои ја загубија битката со вирусот.

Главниот град останува најголемо жариште. Со вчерашните 93 позитивни, Скопје има најголем број активни случаи, а вкупната бројка на активни случаи територијата на цела Македонија е 3.479