Единечна доза на Фајзер или AстраЗенека создава силен одговор на коронавирусот

Добивај вести на Viber

Една доза или на вакцината Оксфорд / АстраЗенека или Фајзер / Бионтек генерира голема реакција на заштитни антитела против коронавирусот кај луѓето, пишува Гардијан.

Првата студија која ги разгледува компаративните перформанси на двете вакцини што се користат во Велика Британија во последниве месеци, покажува дека 93 отсто од луѓето развиваат антитела против протеинот на коронавирус за пет до шест недели по единечна доза на Фајзер и 87  отсто по единечна AстраЗенека.

Но, истражувачите од Конзорциумот за имунологија на Велика Британија, кој вклучува научници од 20 различни центри, откриле разлика кога станува збор за клеточниот одговор предизвикан од вакцините. Тоа е создавање на Т-клетки кои помагаат во борбата против вирусот.

Вакцината АстраЗенека имала поголем ефект, односно 31 отсто од луѓето кои развиле Т-клетки против протеинот во споредба со 12 отсто од оние кои имале примено доза на Фајзер. Луѓето кои примиле доза од AстраЗенека имале и посилен клеточен одговор.

Наодите сугерираат дека политиката на Велика Британија за 12-неделно чекање помеѓу дозите е безбедна, бидејќи најранливата возрасна група развива силен одговор на антитела на вакцините многу пред втората одложена доза. Тие велат дека е потребна поголема работа за да се открие дали разликата во клеточниот одговор е значајна.

„Важно е да се разбере како имунолошкиот одговор генериран од вакцините против Ковид -19  варира со возраста, доцнењето помеѓу дозите и видот на администрираната вакцина“, рече Пол Мос, професор по хематологија на Универзитетот во Бирмингем и главен истражувач на конзорциумот. 

Истражувачите анализирале примероци на крв од 76 лица, на возраст од 80 до 99 години, кои имале примено единечна доза од Фајзер и 89 кои имале вакцина АстраЗенека.

foto freepik