„ЕГЗОДУС“ НА МИЛИОНЕРИ ОД БРИТАНИЈА“: Што се случува?
Објавено во: Економија 19 Јуни, 2024
Околу 9.500 Британци би можеле да ја напуштат земјата поради политички превирања, со најмалку 1 милион долари ликвидни средства што може да се инвестираат.
Тоа е повеќе од двојно во споредба со 2023 година, изјави Хана Вајт, консултант за миграција на компанијата „Ханли и партнери“.
Рекорден број милионери оваа година би можеле да ја напуштат Велика Британија поради политичките превирања и можноста за зголемување на даноците под можната идна лабуристичка влада, објави Си-Ен-Ен.
Исходот од предвремените парламентарни избори во Британија, кои ќе се одржат на 4 јули, на тој начин може да го загрози статусот на земјата како една од најпопуларните дестинации за богатите.
Хана Вајт во својот извештај изјави дека има многу фактори кои ја прават ОК помалку привлечна за богатите.
„Шокот од Брегзит се уште се чувствува, а Лондон повеќе не се смета за финансиски центар на светот“, нагласи таа.
Извештајот се заснова на податоци за 150.000 поединци со висока нето вредност (HNVI).
Инвестициската компанија „New World Wealth“, која ги следи, се фокусира пред се на основачите на компаниите, претседателите, директорите и раководните партнери.
Си-Ен-Ен забележува дека 16.500 милионери ја напуштиле Велика Британија помеѓу 2017 и 2023 година.
Б92