ЕК започнува преговори со Русија за „Јужен тек“ најрано во февруари

Добивај вести на Viber

Во февруари или март ќе започнат преговорите со Русија за „Јужен тек ", коментира за БНР, портпаролот на енергетскиот комесар Гинтер Отингер,  Марлен Холцнер. Во јануари 2014 година ќе има усогласување на позициите на земјите во ЕУ . Во јануари Отингер ќе ја посети Русија во врска со самитот „ЕУ - Русија " , каде се очекува да биде покренато прашањето и за „Јужен тек" . Гасоводот не е приоритетен за ЕУ , но ние немаме ништо против него и не работиме против, коментира Холцнер . Таа се надева дека за време на преговорите Москва ќе ги  заземе истите позиции, како и за „Северен тек" . Иако многу критичари посочуваат дека Брисел има различни критериуми што се однесува до двата гасоводи, Русија предвидела „Северен тек" да биде изграден според европските правила. „Во случајот на „Северен тек“ Русија се усогласи со европските правила. Рекоа - сакаме да изградиме гасовод , тоа е трасата по која ќе поминува, ќе може ли да добиеме исклучок од постоечкото европско законодавство?“ , објаснува Холцнер . Европското законодавство и пристапот се исти, вели портпаролката и додава дека Русија не поднела барање за отстапување, а вели дека гасоводот треба да се покорува, не на европските ,туку на меѓународните правила. „Само треба да кажеме дека тука нема место за толкувања. Ако европска компанија отиде во Русија , и сака да прави бизнис и да инвестира таму , Русите ќе речат „добредојдени сте , но мора да ги почитувате нашите правила " , категорична е Холцнер.