Екологистите бараат заштита на Осогово за економски развој на регионот
Објавено во: Економија 01 Февруари, 2013
Осоговските планини да се прогласат за заштитен терен со цел да се овозможи економски развој на регионот, побараа екологистите. На трибината во организација на Македонското еколошко друштво (МЕД) тие ја разгледаа „Студијата за валоризација со предлог за формирање заштитен предел - Осоговски Планини“ која беше изготвена со учество и на општините Крива Паланка, Кочани, Македонска Каменица, Пробиштип, Кратово, Ранковци и Чешиново - Облешево и ресорното Министерство во рамки на проектот „Осоговските Планини во Балканскиот зелен појас”, кој се спроведува од 2007 година.
Претседателот на МЕД Љупчо Меловски истакна дека прв пат е изработен документ кој ќе биде прифатлив за луѓето што живеат во регинот. „По многу дискусии одлучивме прв пат во Македанија да предложиме категорија на заштита која истовремено ќе овозможи покрај заштита на животната средина, паралелно и економски развој“, рече Меловски. Според заменик министерот за животна средина и просторно планирање, Стево Темелковски, Министерство активно се залага, не само за генерално подобрување на состојбата со животната средина во државата, туку и за остварување напредок во конкретни области. „Ова подрачје е идентификувано како приоритетно за заштита во источниот дел од државата. Природните, заедно со културните и историските вредности, кои во Осоговските Планини се сочувани во карактеристични форми, претставуваат значаен потенцијал за одржлив развој во овој регион. Ова природно богатство е од големо значење, не само за нашата држава, туку и пошироко“, истакна Темелковски.Република Македонија, додаде тој , ја поддржува Европската иницијатива „Зелен појас“, односно нејзината регионална гранка „Балкански зелен појас“, која вклучува зачувување и унапредување на биолошката разновидност и избалансирано управување на природните ресурси, преку создавање прекугранични заштитени подрачја долж линијата на некогашната железна завеса.
Можеби ќе ве интересира
СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците
Марко Бислимовски останува вонреден претседавач на Бордот на регулатори на Енергетската Заедница
ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато
„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ
„НАЈСРЕЌЕН СУМ КОГА ГО СОБИРАМ СЕМЕЈСТВОТО И ОДИМЕ ДА ПАКУВАМЕ МЛЕЧНИ ПРОИЗВОДИ“ - познатиот бизнисмен Дабевски ексклузивно за „Бизнис муабети“ на Фактор
ЗА ПОМАЛКУ ОД 2 МЕСЕЦИ: Кој директор на државна фирма успеа да потроши 35 милиони евра?
ЗА ПЛОЧКАР, МОЛЕР, ФАСАДЕР МОЖЕ ДА СЕ СЛУЧИ ДА ЧЕКАТЕ СО МЕСЕЦИ: Дали се ова „златни времиња“ за занаетчиите?
„ДЕБАРСКИ БАЊИ-ЦАПА“ НАЈАВУВА ИНВЕСТИЦИИ ЗА ГОДИНАВА ОД 163 ИЛЈАДИ ЕВРА - и дивиденда за акционерите, сепак, ќе има
Финансиските инспектори лани биле страв и трепет за функционерите
