ЕКСКЛУЗИВНО: Фактор открива како функционирала шемата со злоупотреба на рецептите со лекови
Објавено во: Македонија 30 Јули, 2019 13:15
Матичен доктор препишува рецепти за лекови на негови пациенти, кои на пример, подолго време не се јавиле кај него на преглед. Препишува рецепти за поскапи лекови и самиот или некој друг во име на пациентот на кој му се „препишани“ ги зема овие лекови во аптека. Потоа лекарствата се препородаваат во земјава или во странство. Ова е шемата по која практично се злоупотребувал Фондот за здравствено осигурување (ФЗОМ) којшто ја плаќа партиципацијата за издадените лекови на рецепт. Фактор ја открива шемата по која се правеле злоупотребите на рецептите со лекови.
Најчесто се препишувале поскапи лекови, за кои на пример Фондот плаќа и по 30.000 денари. Потоа овие лекови завршуваат на друго место, не кај пациентот на кој му биле „препишани“, а и самиот не бил свесен за тоа.
Над 50 милиони евра годишно ФЗОМ плаќа за лековите на рецепт секоја година, а според првичните проценки дури осум отсто од овие пари се дадени за рецепти и лекови кои не им биле потребни на пациентите, односно биле земени на нивно име, без нивно знаење. Според информациите ова се случува затоа што нема контролен механизам кој подигнува рецепти– ниту пациентот може да провери колку рецепти на негово име се издадени во текот на еден месец или една година на пример.
Поради ова, повеќе лекови биле подигнувани од аптеките, па се трошеле квотите за рецепти преку ФЗОМ веќе неколку дена од стартот на месецот. Аферата ама без детали ја објави лично премиерот Зоран Заев, минатата недела од собраниска говорница. Самиот денеска изјави дека овие квоти веќе ќе се укинат. Впрочем, според најавите веќе од сепетември или од октомври, ФЗОМ нема да одредува максимална пропишана количина од секој лек што ги покрива здравствениот фонд.
Но според нашите информации, ова не е единствената мерка за да се сузбие злоупотребата. Планирано е да се воведе построг систем на контрола за тоа кој ги купува лековите, па во иднина, секој кој оди на лекар ќе се идентификува, а така, односно само со лична идентификација ќе може да подигне и лек од аптека.
Наши извори велат дека ќе се воведе систем сомеханизам, секој да го добие лекот што му е потребен, а не тој што го сака.
А.Т.
Можеби ќе ве интересира
ЕВЕ КОИ СЕ И ОД КАДЕ ЗАБОЛЕНИТЕ ОД МАЈМУНСКИ СИПАНИЦИ: Се чека заседавање на Комисијата за заразни болести
ОЈО БАРА ПРИТВОР ЗА ПОРАНЕШНИТЕ ДИРЕКТОРИ НА ОНКОЛОГИЈА - за кривичните дела за кои се товарат следуваат високи казни
КОЦЕ ТРАЈАНОВСКИ СЕ ПОФАЛИ: „Не само што не ги забораваме туку и се трудиме да опфатиме што поголем број на државни патишта“
„ПРИРОДНО Е ДА САКААТ АЛБАНЦИТЕ ДА ЖИВЕАТ ВО АЛБАНИЈА“: Хајредини за актуелните теми во најновото издание на „Бизнис муабети“
Недела на турската кујна - вековна традиција и изобилство од вкусови и бои
„НЕ СЛУЧАЈНО, ПРЕМИЕРОТ ГО ДИСЦИПЛИНИРАШЕ ГРАДОНАЧАЛНИКОТ НА ОПШТИНАТА“: ДУИ тврди дека Мицкоски ги презира Албанците
„ВАЖНО: БОЛЕСТА НЕ СЕ ПРЕНЕСУВА ЛЕСНО. ПОТРЕБЕН Е БЛИЗОК, ПРОДОЛЖЕН КОНТАКТ!“: Д-р Даниловски со детали, еве како да се заштитите од мајмунски сипаници
„ПАРТНЕРСТВОТО ПОДДРЖУВА РЕАЛИЗАЦИЈА НА КЛУЧНИ ИНФРАСТРУКТРУНИ ПРОЕКТИ“: Британската амбасада по потпишувањето на договорот
ЗМИИ ВО КАРПОШ: Општината се зафати со решавањето на овој проблем
