ЕЦБ даде амин за првите во историјата на еврозоната квантитативни олеснувања
Објавено во: Финансии 02 Март, 2015
Европската централна банка од денеска ја стартува големата програма за откуп на државни обврзници, преку која до септември 2016 година ќе влева во економијата на еврозоната по 60 милијарди евра месечно.
Со вкупна вредност од над 1 трилиони евра се очекува програмата да го стимулира економскиот раст во монетарната унија и да ја забрза инфлацијата, која во моментов е на опасно ниско ниво.
ЕЦБ ќе печати нови пари, со кои ќе откупува хартии од вредност. Идеално во комерцијалните банки, од кои централната банка планира да откупува обврзници, свежите пари во форма на кредити ќе бидат достапни за компаниите и потрошувачите. На овој начин може да биде засилена потрошувачката и инвестициите и да се раздвижат.
Институцијата сака преку новата шема исто така да спречи трајна дефлација, бидејќи подолг пад на потрошувачките цени може да го попречат економскиот раст. При таков развој има опасност компаниите и потрошувачите да одложуваат инвестиции и купувања, чекајки цените да се намалат уште.
Многумина експерти се скептични дека квантитативните олеснувања ќе има саканиот ефект. Тие стравуваат од создавање на нов ценовен меур поради изобилството од евтини пари. Постои ризик исто така владите да ги напуштат напорите насочени кон реформи, бидејќи ЕЦБ во голема мера ќе ги финансира државните долгови.
Дискутабилно е исто така каде ЕЦБ ќе откупува државни обврзници, бидејќи во последниве недели голем број банки рекоа дека нема да ги продадат хартиите од вредност од своите средства.
К.К.