Добивај вести на Viber
Европската комисија и одобри денеска на Грција три милијарди евра финансиска помош за да се изградат четири главни автопати во Грција.
Изградбата на автопатите беше запрена во текот на изминатите неколку години, со оглед дека земјата се бореше со тешка должничка криза за што беа потребни големи буџетски кастрења.
Јоханес Хан, комесарот за регионална политика, изјави дека инвестицијата е „основна за економско заздравување на земјата“, нагласувајќи дека изградбата на автопатиштата ќе се создаде 6.000 нови работни места. Од нив, 1.700 ќе бидат долгорочни, вклучувајќи го и управувањето откако изградбата ќе биде завршена до крајот на 2015 година.
Хан, како што јави агенцијата Асошиејтед Прес, вели дека автопатите претставуваат дел од трансевропската патна мрежа и се од суштинско значење за создавање на единствен пазар за европски стоки.