ЕУ ќе даде 293 милиони евра за затворање на блоковите во нуклеарката Козлодуј

Добивај вести на Viber

Советот на Европската унија одобри 293 милиони евра за активностите поврзани со затворањето на блоковите 1-4 во нуклеарната централа "Козлодуј " во следниот програмски период 2014-2020 година. Средствата се насочени кон демонтирањето на турбински и реактор сали , и придружните капацитети кон четирите наведени реактори во Козлодуј. Средствата ќе послужат исто така и за надзор, контрола и проценка на остварените дејности . Во приложените документи за одлуката се наведува дека затворањето на четирите реактори претставува долгорочен товар за бугарските граѓани со одраз врз енергетиката, општеството , животната средина и економијата. Трошењето на средствата ќе биде надгледувано од службата за борба против измами со средства од ЕУ - ОЛАФ и при утврдување на прекршувања ќе бидат надоместени средства и ќе бидат наметнати казни , соопшти bTV . Советот појаснува дека некои од направените трошоци ќе бидат покриени целосно од буџетот на ЕУ , но во вкупниот случај ќе биде зачуван принципот на заедничкото финансирање на активностите и со средства од националниот буџет. Секоја година ЕК ќе ги утврдува програмите за акција по затворањето на нуклеарните капацитети.