ЕУ нуди 65 милиони евра за проекти од програмата интелигентна енергија
Објавено во: Финансии 28 Јануари, 2013 12:55
Компании и институции од Македонија можат да добијат финансии за реализирање проекти преку Програмата интелигентна енергија на Европската унија. Со тековниот повик на Европската комисија за таа програма за годинава се одвоени 65 милиони евра и се очекува да бидат одобрени 60-ина проекти на ниво на цела Европа.
- Приоритети во проектите според потпрограмите се енергетска ефикасност и рационална употреба на ресурси (SAVE), обновливи извори на енергија (AlTENAR), енергија во транспорт (STEER) и заеднички иницијативи од тие области, информира денеска на прес-конференција Јадранка Аризановска, претставник на Стопанката комора на Македонија.
Од 120 милиони евра што за програмата интелигентна енергија биле одвоени лани, само еден проект од одобрените 100-ина бил од Македонија. За поголем одзив на повикот на ЕК што трае до 8 мај годинава, комората веќе спроведува информативни денови и обуки за процедурите за аплицирање и за подготовка на проекти. Првично има интерес од над 70 домашни компании.
Според Аризанкоска, процедурите за аплицирање од европските прогами не се секогаш едноставни и треба да се запазат сите правила. Право на учество имаат сите компании и институции од Македонија. Правилата налагаат проектна апликација да може да поднесе конзорциум од минимум 3 партнери од 3 различни земји. Тоа, истакна Аризанкоска, на некој начин претставува и мал проблем за домашните компании бидејќи тука доаѓаат до израз и нивните контакти со компании од други држави и развивање деловни односи кои се значајни за да се подготви добра проектна документација.
- Втора пречка на некој начин и нешто на што мора да се навикнат нашите компании е дека апликациите се поднесуваат исклучиво електронски. Но, добро е тоа што ЕК дозволи Агенцијата за конкурентност и иновативност да ги прима на увид проектните идеи од тие што сакаат да аплицираат, што значи дека секоја таква проектна идеја од наши компании ќе подлежи на евалуација и ќе бидат дадени сугестии каде треба да се подобри, што е големо олеснување за компаниите, оцени Аризанкоска.
Буџетот од 65 милиони евра е наменет за проекти за креирање политики и пазарни услови за енергетска ефиканост и обновливи извори на енергија, промоција на енергетска ефиканост и рационална употреба на енергија, зголемување на употребата на алетернативни енергетски извори, поддршка за внесување најнови технологии, размена на искуства. Предвидено е и финансирање проекти за градови и региони за одржлива енергија.
Од програмата за конкурентност и иновативност, за годинава клучен приоритет на ЕК е делување во градежниот сектор, како најголем потрошувач на енергија. Предност ќе имаат проекти со приоритети реновирање постојани згради и објекти за граѓани, индустријата и изградбата на згради со многу мала потрошувачка на енергија, како и тие со постојан развој на професионалци во градежен сектор.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
ПЕНЗИОНЕРИТЕ ПРЕД УСТАВЕН ГО ИЗРАЗИЈА РЕВОЛТОТ: „Се бориме за корка леб и лекови“
