ЕУ ПОТСЕТИ НА МЕЃУНАРОДНАТА ПОТЕРНИЦА: Дали Турција ќе го уапси Путин?
Објавено во: Свет 05 Февруари, 2024
Европската Унија(ЕУ) ја потсетува Турција дека постои меѓународна потерница по рускиот претседател Владимир Путин.
Меѓународниот кривичен суд го бара Путин и постои потерница по него во врска со бруталната и нехумана агресија врз Украина, врз европската стабилност и врз глобалниот поредок базиран на правила.
„Се надевам дека нашите турски партнери се свесни дека Путин е баран од Меѓународниот кривичен суд“, изјави денеска портпаролот на Европската комисија за надворешни работи и безбедносна политика Петер Стано.
Потсетувањето уптатено од Стано доаѓа откако е најавената посета на Путин на Турција. Путин се воздржува од патувања откако е распишана потерницата. Тој се вклучуваше онлајн на состаноци со претставници на други земји. Русија претходно се закануваше дека ако некоја земја го уапси Путин, ќе има одговор. Руската инвазија на Украина почна пред скоро две години.