ЕВЕ КАКО СЕ ИЗВРШИ ПРВАТА СМРТНА КАЗНА СО АЗОТ: За едни тоа е хуман метод, за други мачење
Објавено во: Свет 26 Јануари, 2024
Во американската сојузна држава Алабама, осуденик беше погубен со употреба на азот, објави гувернерот Кеј Ајви.
Според извештаите на медиумите, Кенет Јуџин Смит, осуден на смрт за убиство во 1996 година, бил прогласен за мртов во затворот Атмор во 20:25 часот по локално време.
Алабама е една од трите американски држави кои дозволуваат егзекуција со азот, кога смртта доаѓа од хипоксија.
Тоа беше прв пат да се користи нов метод на извршување во Соединетите Американски Држави (САД).
Властите во Алабама тврдат дека тоа е хуман метод, додека канцеларијата на Високиот комесаријат за човекови права на Обединетите нации изрази загриженост за недокажаниот метод, кој според меѓународното право може да биде „мачење“.
Смит е првиот затвореник погубен оваа година во САД, каде во 2023 година беа извршени 24 егзекуции со смртоносна инјекција.
Претходниот обид да се погуби Смит со смртоносна инјекција беше во 2022 година. Постапката е откажана во последен момент, бидејќи решението не можело да се инјектира во законскиот рок, иако осудениот останал врзан неколку часа.