Еврогрупата разговара за Грција, во Грција поддршка за новата влада

Добивај вести на Viber

Грција и нејзините партнери во 19-члената еврозона започнаа денеска вонреден состанок посветен на предлозите на новата грчка влада за олеснување на програмот за помош и мерки на штедење.

Ова е прв состанок на министрите за финансии од еврозоната од кога радикално левичарската партија Сириза победи на изборите во Грција минатиот месец со ветување дека драстично ќе се намали оптеретерувањето наметнато на земјата по планот за помош од нејзините доверители поврзани за острите мерки на штедење.

Народната поддршка на промените на курсот е силна во грција што се покажа и денеска кога илјадници луѓе излегле на улиците во Атина, Солун, и другите градови ширум земјата во знак на поддршка на новата влада, со повици на Грција да и се дозволи „достоинство“.

Околу 15 000 луѓе во Атина се собрале, додека околу 5000 во Солун за барање на Грција ќе и се даде „дух на достоинство“. Протестите се организирани преку социјалните мрежи а демонстрантите носеле плакати со слоганите како што се „Стоп на штедењето“, „Нема враќање назад“, „Дајте и шанса на Грција“ и „Почитување“.

Главните претставници на еврозоната прифатиле дека треба да ги сослушаат предлозите на грчкиот министер за финансии Јанис Варуфакис, но наведуваат дека не се очекува наскоро да дојде до спогодба.

Од победата на изборите минатиот месец грчката влада говореше за желбата да прекине со мерките на штедење и дека сака нови преговори со ЕУ но уште не дала конкретни предлози.

Варуфакис рекол дека сака да го укине сегашниот програм на помош и да се договори за нов.

Тој предложил на Грција да и се одобри „заем за премостување“ на неколку месеци а Грција ќе се обврзе да спроведе и понатамошни реформи посебно за нејзиниот неефикасен даночен систем. „Уверен сум дека ќе имаме многу конструктивен состанок“, рекол Варуфакис.

И покрај поделбите на мислење кое преовладува на финансиските пазари и дека некој вид на компромисен договор ќе биде издејствуван наредните денови, наведува агенцијата АП.