ЕВРОПСКИ ПОЛИТИЧАР: Eвропејците да изградат сопствен систем за нуклеарна одбрана
Објавено во: Свет 25 Јануари, 2024
Шефот на најголемата политичка групација во ЕУ, Манфред Вебер ги повикува Европејците да се подготват за војна без поддршка од САД и да изградат сопствен систем за нуклеарна одбрана.
Лидерот на Европската народна партија (ЕПП), како што пренесува Политико, ги опишал екс американскиот претседател Доналд Трамп и рускиот претседател Владимир Путин како „двајцата што ја поставиле рамката за 2024 година“.
„Ние го сакаме НАТО, но треба да бидеме доволно силни за да се браниме без него или во времето на Трамп. Без разлика кој ќе биде избран во Америка, Европа мора да може да биде независна во однос на надворешната политика и да може да се брани независно од другите“, рече Вебер во телефонско интервју за една бриселска веб-страница на враќање од Киев.
НАТО сега многу се потпира на американските нуклеарни боеви глави, кои се распоредени во шест воени воздушни бази во Белгија, Германија, Италија, Холандија и Турција.
„Европа мора да изгради сопствена одбрана, мора да бидеме способни да спречиме потенцијален напад и да се одбраниме. Сите знаеме дека нуклеарната опција е навистина одлучувачка кога ќе дојде притисокот“, кажа германскиот конзервативец.
Се стравува дека после Украина, Русија може да нападне други земји. Откако пред скоро две години почна руската инвазија на Украина, Русија се закануваше на повеќе земји.foto EPA-EFE/RONALD WITTEK