Еврозоната и Грција без договор на маратонскиот состанок во Брисел
Објавено во: Балкан 12 Февруари, 2015
Грција и нејзините партнери во 19-члената еврозона ноќеска не постигнаа договор за предлозите на новата грчка влада за програмата на помош о мерките на штедење.
Вонредниот состанок во Брисел е завршен околу еден часот без потпишано соопштение, а нови разговори се планирани за во понеделник.
Грчката нова радикално левичарска влада побара измени на меѓународниот пакет за спасување за кој смета дека е главен извор на економските тешкотии во земјата.
Претставници на Европската унија ги отфрлаат барањата на Атина за повторно договарање на условите за пакетот во вредност од 240 милијарди евра.
Грчкиот министер за финансии Јанис Варуфакис изрази надеж дека на идниот состанок најавен за 16 февруари ќе биде постигнат напредок околу барањата на Атина.