ФАКТОР АНАЛИЗА: Две компании доминантни во Струга

Добивај вести на Viber

„Магна Мирорс“ од Мислешево за само една полна година работење со својата прва фабрика изби на првото место по остварена добивка меѓу компаниите од Струга во 2023.

„Магна интернационал“ е технолошки напредна компанија од Канада со глобално седиште во Онтарио, која дизајнира, развива и произведува автомобилски системи, модули и компоненти. Треба да се каже дека во текот на претходните години странскиот инвеститор беше субвенциониран од Владата со неколку милиони евра.

Неверојатен скок во добивката има градежната компанија АД Илинден, кој во изминатите години, покрај останатите јавни набавки, доби неколку клучни тендери од Јавното претпријатие „Државни патишта“ за изградба на делница од регионалниот пат Кичево - Дебар која уште е во изградба, како и за одржување на патиштата.

Во одборот, меѓу останатите, управуваат Климентина Мартиноска, Ирена Трајкоска и Кристина Трајкоска Костеска, инаку сопственички и на охридската градежна фирма Илинден Инжинеринг. 

На третото место е „Миском“ за производство на амбалажа од хартија и картон. Компанијата има и портфолио на акции во други друштва. Компанијата е на Монализа Мучева. Има 49 вработени во струшката индустриска зона и кредитна задолженост од над милион евра.

„Набизи“ има посебен комплекс за тргување со метална стока, а сопственици се Камбер и Насуф Бизати. Прометот во 2023 бил над 22 милиони евра, слично како и во претходните години.

Малопродажниот трговец „Гега“ е последен во Струга. Сопственик е Лавдрим Гега, кој бил одговорен за 27 вработени. А.К.

Извор: Централен регистар