ФАКТОР НА ДЕНОТ: Заев побара, а Собранието изгласа доверба на Влада

Добивај вести на Viber

СОБРАНИЕТО ИЗГЛАСА ДОВЕРБА НА ВЛАДА

Со 62 гласа „за“ и ниту еден против и без воздржани, Собранието денеска изгласа доверба на Владата. 

Премиерот Зоран Заев  денеска во Собранието изјави дека тој е прв премиер кој бара доверба на Владата. 

Вели дека тоа е храброст и одговорност, но и решителност, грижа за граѓаните и стопанството.  Заев рече дека 6 месеци како ја добил честа да ја води Владата, а опозицијата тврди дека истата ќе ја срушат. 

Од опозицијата сметаа дека на оваа тема требало да се дискутира три дена. 

Министерството за здравство соопшти дека според анализите што денеска ги направи МАНУ на брисот од пациентот кој пред неколку дена се врати од Занзибар, детектирано е присуство на британскиот сој на вирусот СарсКов2. Во текот на утрешниот ден ќе биде извршена анализа на вториот пацинет кој исто така патувал за Занзибар. Тој е ковид позитивен и е хоспитализиран.

Министерството за здравство ја информира јавноста дека Комисијата за заразни билести ќе предложи задолжителен домашен карантин од 14 дена за лица кои доаѓаат од сите африкански земји. 

БРОЈОТ НА ЗАРАЗЕНИ НА ДНЕВНО НИВО СКОКНА НАД 800

Министерството за здравство информира, согласно податоците од Институтот за јавно здравје:

Во последните 24 часа се направени 3.312 тестирања, а регистрирани се 807 нови случаи на ковид-19 во:

Скопје – 359, Куманово и Охрид – по 38, Кавадарци, Струмица и Неготино – по 36, Гевгелија – 35, Тетово и Прилеп – по 34, Гостивар – 29, Битола – 25, Велес – 24, Крива Паланка – 12, Кочани и Крушево – по 11, Ресен – 6, Струга, Кичево и Валандово – по 5, Пробиштип и Богданци – по 4, Штип, Дебар, Берово и Демир Хисар – по 3, Делчево и Радовиш – по 2, Свети Николе, Виница, Кратово и Демир Капија – по 1.

Регистрирани се 314 оздравени пациенти од:

Скопје – 135, Кавадарци – 61, Прилеп – 41, Неготино -16, Куманово – 12, Тетово – 11, Велес – 7, Гостивар и Кратово – по 5, Штип и Битола – по 4, Гевгелија – 3, Ресен и Пробиштип – по 2, Охрид, Кочани, Радовиш, Берово, Виница и Крушево – по 1.

ОСМАНИ БАРА ПОПИСНА ГРАФА ЗА БУГАРИ

Претставниците на здруженијата на Бугари во Македонија да ги контактираат пописните органи и да побараат графа за да се изјаснат како сакаат на овој попис, вели министерот за надворешни работи Бујар Османи денеска, а по неколкудневни реакции на бугарските официјални власти кои тврдеа дека околу 100.000 граѓани со бугарско државјанство немаат права во земјава.

„Уште веднаш, претставниците на овие здруженија треба да ги контактираат пописните органи и да побараат соодветна графа во рамките на пописот, со цел утврдување на квантитативната, демографската и географска дистрибуција на оваа засебна заедница, што би придонело значајно при формирањето на идните политики и на Владата, и на соодветните единици на локалната самоуправа и воопшто на државата, вели Османи.