ФАКТОР НА ДЕНОТ: Денес 225 заразени, се размислува за рестриктивни мерки

Добивај вести на Viber

АЛАРМАНТЕН БРОЈ ЗАРАЗЕНИ

Министерството за здравство информира дека во последните 24 часа се направени 1694 тестирања, а регистрирани се 225 нови случаи на ковид-19 во: Скопје-96, Куманово-8, Штип-7, Прилеп-8, Тетово-15, Струга-3, Велес-5, Битола-8, Охрид-2, Кавадарци-6, Гостивар-2, Гевгелија-1, Струмица-11, Крива Паланка-7, Радовиш-1, Кочани-17, Пехчево-1, Берово-10, Валандово-3, Виница-1, Делчево-2, Кратово-1, Свети Николе-6, Кичево-4.

Инаку, на 18 јули биле регистрирани 241 новозаболен, ова е втора најголема бројка. 

Денеска Институтот за јавно здравје регистрира 96 оздравени пациенти од: Скопје-33, Куманово-10, Штип-2, Прилеп-5, Тетово-13, Велес-2, Битола-3, Кавадарци-1, Гостивар-5, Крива Паланка-1, Кочани-6, Пробиштип-3, Македонски Брод-1, Берово-1, Виница-1, Свети Николе-3, Кичево-2, Ресен-4.

СЕ РАЗГЛЕДУВА МОЖНОСТА ЗА РЕСТРИКТИВНИ МЕРКИ

Заклучивме дека денеска и утре треба да се направи увид за начинот на трансмисија на вирусот во секоја општина посебно, изјави министерот за здравство, Венко Филипче по состанокот со Комисијата за заштита од заразни болести. 

Филипче потенцира дека до викендот ќе знаа какви мерки и во која општина треба да воведат.

„Ако нешто откриеме, да може да одлучиме какви мерки и каде би се вовеле“, рече Филипче во живо на вестите на Сител, по завршувањето на средбата.

Дали ќе се намали работното време на угостителските објекти или да се намали бројот на маси ќе се знае по епидемиолошките прашалници.

ДЕЛ ОД СРЕДНИТЕ УЧИЛИШТА БОЈКОТИРААТ

За министерката за образование и наука, Мила Царовска, најавите на бојкот на наставата се неодговорни и дека сите носиме одговорноста за заштита на јавното здравје. Смета дека во исклучително посебни услови, во време на пандемија,  успешно стартуваше учебната година, со тоа што дел од учениците наставата ја посетуваат со физичко присуство, под посебни протоколи, а поголемиот дел следат онлајн на платформата.

-Има комисија којашто навистина си ја знае работата поврзано со епиодемиолошката состојба. Ако тие велат дека нашето јавно здравје е заштитено само на овој начин, а одлуките нивни се базираат на факти, јас ги почитувам и барам од сите родители, сите ученици, сите директори, сите градоначалници, да ја следиме нивната препорака, да ги следиме нивните одлуки, зашто само така можеме да се одржиме на ова ниво и понатаму да го намалуваме бројот на заразени во нашата држава. Се што ќе значи непочитување на нивните одлуки го носи во ризик нашето здравје, здравјето на сите наши најмили и тоа не е само флоскула, тоа се животи, тоа се нечии мајки, тоа се нечии татковци, тоа се нечии баби, тоа се нечии дедовци. Да не си ги ризикуваме животите на нашите најблиски, сакајќи на неконструктивен начин да покажеме незадоволство, изјави денес Царовска. 

ЗАЕВ КАЖА СТАВ ЗА НАЈНОВИТЕ ПРОВОКАЦИИ ОД СОФИЈА

Премиерот Зоран Заев вели дека ќе биде внимателен во коментарите со цел да се дојде до решение кое ќе носи придобивки и за двете страни, коментира за македонско - бугарските односи. 

„Гаранцијата на идентитетските прашања е потврдена со договорот за добрососедство со Бугарија“, вели премиерот Заев за последните провокации од Софија со кои се проблематизира и македонскиот јазик. 

ЧИТАЈТЕ УШТЕ

До сега не е познато субвенционирање од страна на државата на вработувања во приватниот сектор по етничка основа, а мотив да биде правичната застапеност, како што тоа го најавуваат одредени министри од владината коалиција, а може да се протолкува истото како најава и во владината програма.

Министерството за финансии ќе го финализира ребалансот за годинава и најверојатно веднаш ќе почне со подготовка на буџетот за следната година. 

Веќе шест месеци земјава се справува со последиците од кризата предизвикана од пандемијата со Ковид-19, не само со оние од здравствен аспект, туку и од економски бидејќи последиците се чувствуваат во сите сегменти од функционирањето на државата.

Македонската градежна компанија Настел доби златна статуетка Оскар на градежништво на десетгодишното издание на престижниот конкурс за луксузна градба, архитектура и дизајн - LUXURY Property AWARDS, што се одржа синоќа во хотелот „Маринела“ во Софија. 

Брзите тестови ПЦР за Ковид-19 во Македонија ќе бидат достапни веќе од крајот на октомври, евентуално почетокот на ноември, открива за Фактор, директорот на Центарот за јавно здравје, д-р. Александар Стојанов.

Ако некои граѓани се понадеваа дека утрово можеби ќе се разбудат со топли радијатори, таа желба не им се оствари.

Откако почна пандемијата на коронавирусот во Македонија, на сите прес – конференции се појавуваат толкувачи за знаковен јазик, но реално во земјава бројката на толкувачи е мала и треба да се зголеми.