ФАКТОР НА ДЕНОТ: Денес 83 нови инфицирани, реакции има од угостителите

Добивај вести на Viber

ЗА 24 ЧАСА ИМА 83 НОВИ ЗАРАЗЕНИ

Во последните 24 часа се направени 539 тестирања, а регистрирани се 83 нови случаи на ковид-19, соопшти Министерството за здравство. Бројот на позитивни од вкупниот број тестирани изнесува дури 15,3 проценти. Од новозаболените во Скопје се 34, Куманово 3, Штип 6, Тетово 5, Струга 3, Велес 3, Охрид 1, Гевгелија 1, Струмица 5, Крива Паланка 1, Радовиш 1, Кочани 9, Берово 1, Валандово 5, Виница 1. Делчево 4

Починати се 4 лица, три пациенти од Скопје кои имале 66, 88 и 62 години и еден од Тетово  кој имал 73 години.

Денеска Институтот за јавно здравје регистрира 146 оздравени пациенти.

РЕАКЦИИ ОД УГОСТИТЕЛИТЕ ЗА МЕРКИТЕ

Не ни требаат крпеници од протоколи, доброволно ќе ги затвориме објектите на две недели. Но, што ако КОВИД-бројките и натаму растат, прашуваат од Независна угостителска комора, откако вчера Владата усвои нови рестриктивни мерки за угостителските објекти. Оттаму велат дека новите ограничувања нема да го решат зголемениот број на заболени, туку ќе ги поттикнат младите и гостите на угостителските објекти да бараат алтернативни решенија на дружење и забава како што се групни и масовни собирања на приватни забави, по паркови, паркинзи и возила без никаква контрола и никакви механизми за заштита и превенција на личното и јавното здравје.

„Не ни требаат крпеници од протоколи, доброволно ќе ги затвориме објектите на две недели. Но, што ако КОВИД-бројките и натаму растат? Дали Филипче и Караџовски ќе имаат доблест и смелост да им се извинат на угостителите, да ја надоместат штетата и јавно да се признаат дека угостителските објекти не се причина за зараза туку оправдание за избегнување на одговорноста на погрешните мерки и генерални препораки за спречување на ширењето на коронавирусот, наведува претседателот на Комората, Здравко Јосифовски во дописот до медиумите.

Зачудени сме од нападите и квалификациите кон Комисијата за заразни болести од страна на Независната угостителска комора со оглед на тоа што Комисијата во изготвување на сите протоколи досега активно комуницираше со сите чинители, вклучително и со угостителите.

БУГАРСКИ ИНТЕЛЕКТУАЛЦИ ПРОТИВ МЕМОРАНДУМОТ НА СОФИЈА

Триесетина бугарски историчари, научници, универзитетски професори и јавни личности со заедничко писмо до јавноста се изјаснија против меморандумот што Софија го испрати до земјите членки на Европската Унија во кој се изнесени сериозни тврдења и црвени линии на патот на Скопје кон ЕУ, пренесува МИА.

Во писмото „Европа не нè разбира", што го пренесува „mediapool.bg", тие инсистираат на „фундаментална промена на парадигмата во историското размислување" и пишуваат дека не се согласуваат „Македонија да се претстави само како земја што нe се справува со сопственото минато". Според нив, Софија демонстрира застарени сфаќања и изнесува неодржливи и наивни тврдења против Македонија.

ЧИТАЈТЕ УШТЕ

Точно 8,4 проценти од БДП ќе изнесува буџетскиот дефицит со вториот ребаланс на буџетот годинава чиј предлог Владата го усвои синоќа на попладневната седница.

Ако некои од граѓаните можеби заборавиле дека од месецов треба да продолжат редовно да си ги отплаќаат своите кредитни рати кон банките, тие веднаш ги потсетија дека раздолжувањето мора да продолжи.

Новите рестриктивни мерки ќе дададт резултати смета микробиологот, д-р Никола Пановски во разговор за Фактор, напоменувајќи дека навистина сите мора да ги почитуваат ако не сакаме да доживееме национална катастрофа.

Охрид годинава беше главно прибежиште на македонските туристи. Во услови на пандемија со КОВИД-19, првиот човек на Бисерот на Балканот, смета дека општината ги презела сите неппходни мерки за безбедно одвивање на туристичката сезона.