ФАКТОР НА ДЕНОТ: Ја испраќаме 2020 година, во светот некаде огномети, а некаде празни улици

Добивај вести на Viber

ДЕЛ ОД ЗЕМЈИТЕ ВЕЌЕ ЈА ДОЧЕКАА 2021

Новата година веќе пристигна на Нов Зеланд, Австралија, Самоа и Кирибати.

Само во Нов Зеланд каде граѓните уживаа во спектакуларниот огномет бидејќи земјата се справи со коронавирусот, па луѓето се поопшуштени и имаат дозвола од властите да се групираат. Огномет имаше и во Сиднеј.

Од денеска со највисоко ниво на рестрикции ќе биде  дел од Англија. Со полициски час, Новата година ќе биде дочекана во Франција. Карантин до 7 јануари и полицискиот час од 22 часот вечерва има и во Италија.

ДЕНЕС НАД 500 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 1662 тестирања, а регистрирани се 536 нови случаи на ковид-19 во: Скопје-213, Куманово-18,  Дебар-13, Штип-13, Прилеп-37, Тетово-30, Струга-23, Велес-17, Битола-29, Охрид-18, Кавадарци-23, Гостивар-13, Гевгелија-7, Струмица-8, Крива Паланка-9, Радовиш-10, Крушево-3, Кочани-6, Пробиштип-1, Македонски Брод-3, Пехчево-1, Берово-5, Валандово-4, Виница-2, Делчево-6, Свети Николе-6, Кичево-2, Ресен-5, Неготино-11. 

Денеска Институтот за јавно здравје регистрира 741 оздравени пациенти од: Скопје-248, Куманово-83, Дебар-7, Штип-28, Прилеп-50,  Тетово-30, Струга-32, Велес-17, Битола-25, Охрид-30, Кавадарци-41, Гостивар-27, Гевгелија-12, Струмица-20, Радовиш-12, Крушево-1, Кочани-24, Пробиштип-1,Демир Хисар-2, Македонски Брод-3, Валандово-7, Виница-2, Кратово-3, Свети Николе-8, Кичево-17, Ресен-4 и Неготино-7.

ВЕЛО МАРКОВСКИ ОБВИНЕТ ЗА ТРГУВАЊЕ СО АРТЕФАКТИ

Обвинителството за организиран криминал и корупција поднесе обвинение против осум лица за илегални археолошки истражувања за стекнување на личен профит, а еден од нив, дознава СДК, е инфектологот Вело Марковски.

Докторот во септември беше избран за член на Извршниот комитет на опозициската ВМРО-ДПМНЕ. Според Обвинителството, станува збор за повеќемесечна истрага. Групата покрај ископувањето и продажбата, недозволиво се користела с сонди и детектори за пребарување.

„Лицата се обвинети дека во текот на 2017 и 2018 година поединечно или заедно, без дозвола од надлежни органи, вршеле недозволени археолошки истражувања и ископувања на археолошки локалитети и локалитети со природни реткости на територијата на РС Македонија, пронајдените добра неовластено ги присвојувале и прикривале, а потоа добрата неовластено ги продавале на купувачи во земјава и во странство“, соопшти ОЈО.

НОВИ СЛАБИ ПОТРЕСИ ВО ХРВАТСКА

Немирна ноќ помина во Петриња, дури четири земјотреси го потресоа тлото во овој хрватски град од 1 часот по полночќ до утрото. Граѓаните се во паника, но сеизмолозите не очекуваат нов посилен земјотрес, по тој завчера која земјата ја стресе земјотрес со јачина од 6,2 степени по Рихтер. Градот е во рушевини, а живото го загубија седум лица. 

Инаку синоќа најсилниот земјотрес беше во 4:36 часот, со јачина од 3,8 степени според Рихтеровата скала, потоа во 5:30 часот со 3,1 степени според Рихтеровата скала и во 6:25 часот исто така со 3,1 степен по Рихтер. 

За разлика од вчераутро, ова се малку послаби земјотреси, но се тврди дека областа ќе се тресе и во следните неколку денови.

ЧИТАЈТЕ УШТЕ

Радмила Шекеринска е министер за одбрана и е меѓу најмоќните политичари во земјава. Македонија во 2020, година исклучително тешка поради пандемијата на коронавирусот, стана полноправна членка на НАТО.

Оваа година се одржа една од најсилните Олимпијади во историјата на човештвото. Сите нации учествуваа, без исклучок! Отворањето и припадна на Кина која во маратонска трка, невидиливата штафета ја предаваше понатаму... и понатаму.

Антонио Аргир епретседател на Управниот одбор на НЛБ Банка. За Фактор вели дека годината што ја оставаме зад нас беше навистина полна со предизвици, но ни покажа и колку сме подготвени да се трансформираме во кус период.

Живко Мукаетов е генерален директор на Алкалоид, компанија меѓу најуспешните во земјава, лидер на домашниот и на регионалниот пазар. Мукаетов вели дека најдобрата лекција која ја научивме во текот на оваа кризна година е да го цениме она што го имаме, да се радуваме на малите нешта. За сите посакува добро здравје, за државата подобра економија.

За новата 2021 година веројатно ја делам истата желба, како и сите граѓани во нашата земја - здравје. И најголемата желба на премиерот Зоран Заев е поврзана со пандемијата. Посакува здравје оти како што вели останатото лесно се постигнува кога сме здрави. 

Александар Манев е генерален директор на „Кроациа осигурување - Неживот“. Годината која е на заминување, смета тој, на сите ни одржа една добра лекција, а таа е дека предизвици од секаков карактер се секогаш можни, па ние како држава мораме да бидеме многу поподготвени за нив, и да бидеме способни брзо да реагираме во решавање на проблемите.