ФАКТОР НА ДЕНОТ: Ковачки обвинува дека имало секс скандал во армијата, Петровска вели дека таа не води истрага

Добивај вести на Viber

КОВАЧКИ ОБВИНУВА ДЕКА ИМАЛО СЕКСУАЛНИ МАЛТРЕТИРАЊА ВО АРМИЈАТА

Има обвинувања за секс афери во армијата. Пратеникот од ВМРО-ДПМНЕ, Драган Ковачки, обвини дека највисоки офицери изнудувале сексуални услуги од своите подредени колешки во армијата. 

Покрај појавата за плаќање кеш и давање мито за мисии во АРМ, тврди дека има сериозни случаи на злоупотреба на службената позиција и сексуално малтретирање на офицерки и воени лица.

ПЕНЗИОНЕРИТЕ ЌЕ СЕ СОБИРААТ ПРЕД АМБАСАДИТЕ БАРАЈЌИ ПОВИСОКИ ПЕНЗИИ

Пензионерите решија да се соберат пред амбасадите на 7 ноември.

Пензионерите од цела држава ќе организираат голем собир пред амбасадите во Скопје, а не пред зградата на Владата, со цел да и тие да ги слушнат нивните барања. Тие бараат линеарно зголемување на пензиите од 5.000 денари за сите пензии и минимална пензија од 20.000 денари. Иницијативните одбори на пензионерите кои од летото протестираат денеска во Свети Николе се договорија тој протестен собир да се одржи на 7 ноември. 

СКОРО 10.000 МЛАДИ ЈА НАПУШТААТ МАКЕДОНИЈА ГОДИШНО

Нискиот наталитет во Македонија, стареењето на нацијата, во комбинација со заминувањето на младите од државата, директно влијае на намалувањето на работоспособното население. Според италијанската невладина организација COSV со подружница во Прилеп, Македонија во последните години има голем одлив на млади луѓе, главно поради неусогласеноста на образованието со реалните потреби на пазарот на труд.

ИРАН СЕ ЗАКАНИ ДО САД АКО ПРОДОЛЖИ ГЕНОЦИДОТ ВО ГАЗА

Иран се заканува на Соединетите Американски Држави (САД).

Велат дека тие нема да бидат поштедени од војна ако не заврши израелскиот напад врз Газа. Тврдат дека во Газа се врши геноцид. 

ЧИТАЈТЕ УШТЕ

Европската унија изброи 9,1 милиони фарми кои функционирале на територијата на целата унија во текот на 2020 година. Притоа како што потенцира „Евростат“, мнозинството или околу 93 проценти може да се класифицираат како семејни фарми.

РЕК Битола на тендер со само една понуда ќе плати над 4 милиони евра за набавка на адитиви кои помагаат да се формира помалку згура при согорување јаглен. При тоа компанијата што го доби тендерот е регистрирана за дејност трговија на мало со весници и канцелариски прибор. 

Дали државната помош што ја добија компаниите во земјава за полесно пребродување на ковид кризата навистина им помогна, но и дали сега, наместо да им е од корист, им одмага. Или со еден збор, дали тие ќе зажалат што ја побарале и добиле помошта. 

Термоелектраната во Неготино лани купила мазут за пет милијарди денари (околу 82 милиони евра), покажува извештајот од работењето на ТЕЦ-от за минатата година што го објави на својата веб страница. Произведената струја што му ја предал на АД ЕСМ чинела 91 милиони евра, а на крајот добивката била 1,34 милиони евра.