ФАКТОР НА ДЕНОТ: Mигрантот не е заразен со мајмунски сипаници, а кичевчанецот не сакал да се тестира
Објавено во: Македонија 11 Август, 2022 21:02
МИГРАНТОТ НЕ Е ЗАРАЗЕН, А КИЧЕВЧАНЕЦОТ НЕ САКАЛ ДА СЕ ТЕСТИРА
Во врска со актуелната состојба во Македонија во однос на суспектните случаи на мајмунски сипаници, Комисијата за заразни болести одржа состаноци, по што претседателот, д-р Александар Петличковски соопшти дека јавноста во земјава не би требало да биде исплашена и како здравствени власти не очекуваат драматичен развој на настаните.
-Ова не е нов ковид, нема место за паника, односно не очекуваме сериозно ширење на оваа болест. Од свата случаи, оној вториот, односно пациентот кој е хоспитализиран на Клиниката за инфективни болести, веќе е тестиран и резултатот е негативен, додека за првиот случај, оној од Кичево се уште немаме примерок и се организираме да го организираме тестирањето. Се надеваме дека до крајот на неделава ќе имаме резултат и од тоа тестирање, рече д-р Петличковски.
Тој посебно нагласи дека мајмунските сипаници е болест која не се пренесува така лесно, заради што не треба да се создава паника, но во однос на пациентот од Кичево кој воопшто досега не дал примерок за анализа, истакна дека е воспоставена комуникација неколку пати и со него и со неговото семејство со цел за да се направи тестирање кое е во интерес на сите.ССМ ЌЕ ГИ РАДИКАЛИЗИРА ПРОТЕСТИТЕ АКО НЕМА ПОВИСОКИ ПЛАТИ
Дарко Димовски, претседателот на Сојузот на синдикатите на Македонија (ССМ) најави дека ако нема покачување на платите од септември ќе има радикализација.
Димовски денеска во вестите на Сител изјави дека многу работници преку иницијативата „Отворен Балкан“ ги спремиле куферите за да си заминат од земјава.
Според него, ССМ повеќе не бара зголемување од 2.806 денари за сите како солидарно решение.
„Покачувањето сега мора да биде 18,4 отсто. Гледаме лебот се покачи, цените се високи… Како ќе преживееме ние? Ќе чекаме Владата да направи нова методологија? Ние ќе се радикализираме, а граѓаните, пензионерите, младината нека го сфати ова сериозно“, изјави Димовски во вестите на Тв Сител.ПАРТИСКИ ОБВИНУВАЊА ЗА ПЛОЧАТА НА ПРОХОР ПЧИЊСКИ
Потпретседателот на ВМРО-ДПМНЕ Александар Николоски го нарече шефот на државата, Стево Пендаровски лажна величина поради отстранувањето на плочата посветена на првото заседание на АСНОМ во манастирот Прохор Пчињски во Србија.
Вели дека тоа е потврда дека се работи за најголемата измама и за најголемата фасада на македонската политичка сцена.
„Стево Пендаровски со голема помпа во јавноста велеше дека се враќа прославата во Прохор Пчински, притоа излажа и не кажа дека последно тоа се случи во 2009 година, туку велеше дека се случило многу порано“, рече Николоски.
Тој додаде дека претседателот се поклонил пред лажна плоча.ЧИТАЈТЕ УШТЕ
Народна банка го објави она што сите го знаеме и го гледаме во реалноста, но не ни беа познати точните бројки. А тоа е дека во вториот квартал на годинава цените на становите доживеале драматичен и досега невиден раст, односно на годишно ниво поскапеле за дури 16,5 отсто.Можеби ќе ве интересира
Ѓорѓиевски: Донесен е ребалансот на Буџетот - обезбедени се средства за булевари, паркови, зголемени капитални инвестиции!
Филков: Секој потрошен денар во судството мора да биде оправдан со резултати
БГНЕС го критикува Николоски дека е лицемерен и дека Бугарите претходно ги нарекол „бедници“
Блерим Беџети: Кривичната пријава против мене е за да ме придобијат во мнозинството
Коцевски: Еден примерок вештачење на сомнителниот мазут чини 1.500 евра, а треба да провериме 300
ОЈО БАРА ПРИТВОР ЗА СКОПЈAНЕЦ КОЈ НАПАДНА 12 ГОДИШНО ДЕТЕ - го пресретнал на булевар и без причина го удирал со тупаници и клоци по лице и тело
ЦАРИНАТА ЗАПЛЕНИЛА 2.500 ИНФУЗИСКИ МЕДИЦИНСКИ СЕТА: Игли, шприцеви, канили и системи за инфузија
Судиите со отворено писмо до Мицкоски: Вашите коментари ја преминаа границата
ЕВЕ КОЈ ЌЕ ЈА ВОДИ КОМУНАЛНА ХИГИЕНА: Драги Митковски ќе седне на директорското столче
