ФАКТОР НА ДЕНОТ: Oбвинителството отвори истрага за лица од ДИК, а денес имаме нов рекорд на заразени

Добивај вести на Viber

ИСТРАГА ЗА 4 ЛИЦА ОД ДИК

Основното јавно обвинителство за гонење на организиран криминал и корупција нареди истражна постапка против четири лица од Државната изборна комисија, како и управителот и сопственикот на приватниот оператор, по сите прибрани докази за јавната набавка на софтверот.

Истрагата се најде во центаротна вниманието откако вечерта на 15 јули се урна веб-страницата која требаше онлајн да ги покажува резултатите од предвремените парламентарни избори.

ДЕНЕС НОВ РЕКОРД НА ЗАРАЗЕНИ

Министерството за здравство информира дека во последните 24 часа се направени 3331 тестирања, а регистрирани се 1275 нови случаи на ковид-19 во: Скопје-519, Куманово-70,  Штип-36, Прилеп-75, Тетово-85, Струга-30, Велес-47, Битола-69, Охрид-24, Кавадарци-40, Гостивар-55, Гевгелија-22, Струмица-39, Крива Паланка-7, Радовиш-15, Крушево-2, Кочани-20, Пробиштип-13, Демир Хисар-2, Македонски Брод-5, Берово-6, Валандово-2, Виница-8, Делчево-7, Кратово-12, Свети Николе-6, Кичево-34, Ресен-6, Неготино-19. 

Денеска Институтот за јавно здравје регистрира 502 оздравени пациенти од: Скопје-306, Куманово-25, Штип-17, Прилеп-12, Тетово-12, Струга-9, Велес-12, Битола-14, Охрид-28, Кавадарци-6, Гевгелија-12, Струмица-17, Крива Паланка-1, Радовиш-3, Кочани-11, Пробиштип-4, Демир Хисар-1, Македонски Брод-1, Свети Николе-2, Кичево-5, Ресен-3 и Неготино-1.

ТРАГЕДИЈА ВО КАВАДАРЦИ

Ова е тажен ден за нашето Кавадарци. За жал денес изгубивме уште еден млад човек кој не успеа да се избори со оваа страшна пандемија. Пред два дена го изгубивме Марјан Ѓерѓев на 26 годишна возраст, денес почина и неговиот брат Горан Ѓерѓев на 21 годишна возраст. Трагедијата е огромна и нема зборови кои можат да дадат утеха на семејството Ѓерѓеви во овие моменти, објави денеска градоначалникот на Кавадарци Митко Јанчев. 

ПОЕВТИНУВААТ СУДСКИТЕ ТАКСИ

Министерот за правда, Бојан Маричиќ, објави дека од денеска трошоците за судски такси во првостепена постапка се намалуваат за осум пати, односно од максимални 48.000 на максимални 6.000 денари според законските измени и дополнувања на Законот за судски такси.

- Од денеска тие се од 480 до најмногу 6.000 денари во зависност од спорот. тужите осигурителна компанија, за надомест на штета од 3 милиони денари, ако вредноста е 2 отсто од спорот, граѓанинот до сега требаше да плати за судски такси максимален износ од 48.000 , а сега ќе биде само 6.000 денари. По старата тарифа, за другите понатамошни постапки, ќе платевте 288.000 денари за одлука, жалба и ревизија , а по новата тарифа, најмногу 36.000 денари доколку се жалите. Како втор пример, за долг од 15.000 евра започнувате парнична постапка. Ако судската таса е 2 отсто, по старата тарифа се плаќа 18.600 а по новата само 6.000 денари, рече Маричиќ.

ЧИТАЈТЕ УШТЕ

Стравот на Софиja произлегува од идентитетската криза на бугарското општество, вели Атанас Кирјаков, Македонец кој живее во Бугарија, еден од основачите на ОМО „Илинден“ Пирин и човек кој влезе и во трката за градоначалник на Благоевград.

До вчера во земјава има 844 хоспитализирани пациенти болни од корона вирусот од 12.002 активни случаи, но здравствените власти уверуваат дека се реорганизира работата во Клиниките „Мајка Тереза“ во Скопје и дека со системот на ротации на лекарите ниту еден пациент нема да биде оставен без здравствена грижа.

Синдикалците се израдуваа, но работодавачите со предупредувања до власта. Убаво е, велат, да се унапредваат работничките права, но земјава не е толку економски развиена за да си дозволи во недела да не работи ништо, со цел работниците да можат да одморат и да му се посветат на семејството.

„УНИБанка“ за првите девет месеци има процентуален најголем раст на добивка и на нето приходи од камати во споредба со сите други банки кои ги објавија финансиските резултати за првите три квартали годинава.

Компаниите преку Берзата ги објавуваат финансиските резултати за првите девет месеци од годинава.

Додека се бара чаре за огромната превработеност во државната администрација, а се најавува и трансфер на вработени во приватниот сектор, новите вработувања не запираат. Во услови на криза, неизвесност и нови преиспитувања, постојано се појавува „недостиг“ на вработени во некои државни институции.