ФАКТОР НА ДЕНОТ: Орце Ѓорѓиевски тврди дека на платен список во „Комунална хигиена“ има и затвореници

Добивај вести на Viber

ЃОРЃИЕВСКИ КАЖА ДЕКА НА ПЛАТЕН СПИСОК ВО „КОМУНАЛНА ХИГИЕНА“ ИМАЛО И ЗАТВОРЕНИЦИ

Градоначалникот на Град Скопје, Орце Ѓорѓиевски, излезе со сериозни обвинувања за случувањата во јавното претпријатие „Комунална хигиена“. Вели дека во ова градско претпријатие се евидентирани лица кои воопшто не извршувале работни обврски, а меѓу нив имало и затвореници.

„На платниот список има луѓе кои не доаѓаат на работа, а некои од нив воопшто не се на слобода. Се работи за злоупотреба на јавни пари и систем кој мора итно да се расчисти“, изјави Ѓорѓиевски, додавајќи дека ќе побара од надлежните институции целосна истрага за случајот.

ЗА ПОЖАРОТ ВО КОЧАНИ ЌЕ ИМА ПО ДВЕ РОЧИШТА НЕДЕЛНО

Судењето за трагедијата во дискотеката „Пулс“ во Кочани, во која животот го загубија 63 лица, а беа повредени околу 200, ќе започне на 19 ноември во судницата на КПУ Идризово. Случајот опфаќа 38 обвинети – 35 физички и три правни лица. Судењето ќе се води со темпо од две рочишта неделно, а првичните термини се закажани за 19, 25 и 26 ноември. Судот ќе преземе засилени безбедносни мерки, вклучително и присуство на лекарска екипа. Надлежните упатија апел до медиумите и јавноста за достоинствено и одговорно известување, без сензационализам, со почит кон жртвите и сите страни во постапката.

На денешниот брифингот со новинарите што се одржа во судницата во Идризово, претседателката на Основниот кривичен суд, Даниела Димовска, истакна дека судот ќе ги обезбеди сите неопходни услови за фер и транспарентна постапка, со апел за почит и достоинство кон сите страни, особено кон жртвите и нивните семејства. Таа нагласи дека судот е исправен пред голема задача и дека е важно да не се подлегнува на сензационализам.

ТРИПУНОВСКИ ВЕЛИ ДЕКА БРИСЕЛ ЈА ПОДДРЖАЛ ОДЛУКАТА ЗА РАСЧИСТУВАЊЕ НА СЛУЧАЈОТ СО ПЛАТЕЖНА АГЕНЦИЈА

Mинистерот за земјоделство, шумарство и водостопанство, Цветан Трипуновски вели дека Брисел ја поздрави одлуката на Владата за расчистување на случајот со Платежната агенција. 

Повика опозицијата да не шпекулира и вели дека само 50-тина договори кои што се во фаза на реализација, се стопирани. 

ВМА ГО СУСПЕНДИРАШЕ МАКЕДОНСКИОТ ЛЕКАР КОЈ ПРЕГАЗИ КУЧЕ

Софиската ВМА го суспендираше Ненад Цоневски кој прегази куче и според медиумите тој ја напуштил земјата .

ЧИТАЈТЕ УШТЕ

Исплатата на ИПАРД средствата, кои секоја година на македонскoтo земјоделство, индустрија и туризам им нoсат непoвратни десетици милиони евра од ЕУ, е суспендирана на неопределено време по коруптивната афера и апсењето на директорот на Агенцијата за поддршка на земјоделието и руралниот развој, како и други службеници.

Рурална општина во јужниот дел на Македонија е најретко населена.  Според пописот од 2021 година, најмала густина на населението во државата има Општина Новаци со 3.5 жители на квадратен километар.

Министерството за одбрана одбра две фирми кои ќе набават резервни делови за моторните возила со кои располагаат, за што ќе потроши безмалку 1,5 милиони денари. Еден дел од набавката го добива АНБО-ТЕК, кај која ќе завршат околу 375 илјади денари - фирма чија дејност е Трговија на мало со делови и прибор за моторни возила.

Грција најави нов, автоматски систем за контрола на сообраќајните прекршоци кој нема да им дозволи на странците да ја напуштат земјата со неплатени казни, објави Никана.гр.