ФАКТОР НА ДЕНОТ: Пазарните инспектори ги „чешлаат“ кафулињата, а бројките на заразени се уште се високи

Добивај вести на Viber

ИНСПЕКТОРИ НАПРАВИЈА РАЦИЈА 

При големата рација во повеќе кафулиња низ Скопје, синоќа пазарните инспектори биле под жесток вербален напад од страна на гостите кои дури два часа по работното време, односно во 23.00 часот морале да си заминат. Директорот на Пазарниот инспекторат, Стојко Пауновски, за Фактор вели дека инспекторите се изнаслушале навреди, колнења и друг непристоен речник.

-  Е навистина не знам што им беше синоќа, дали дека од денеска имаат скратување на работното време до 18 часот, па да надокнадат, навистина не знам. Ама такво нешто не сме виделе. Имав распоредено четири екипи, одеа од едно место на друго. И што да видат во најпознатите локали во Скопје, гости колку сакате. Е навистина не можам да разберам. Па, згора на се, кога разбрале дека има инспектори, седеле во локалите во темница, светлата биле намерно исклучени. Бегале од споредни излези. При тоа, налутено и во поднапиена состојба викале по инспекторите, ги колнеле, ги вреѓеле.  Тоа беа гости во „Три кичен“, „Мош“ и „Холивуд“, вели директорот Пауновски за Фактор.

Инаку, веќе на социјалните мрежи се шират и фотографии, но и видеа како синоќа бегале гостите од Мош.

Министерството за здравство информира дека во последните 24 часа се направени 2827 тестирања, а регистрирани се 883 нови случаи на ковид-19 во: Скопје-345, Куманово-37, Дебар-10, Штип-32, Прилеп-54, Тетово-32, Струга-21, Велес-39, Битола-36, Охрид-34, Кавадарци-29, Гостивар-19, Гевгелија-32, Струмица-44, Крива Паланка-7, Радовиш-12, Крушево-1, Кочани-25, Пробиштип-2, Демир Хисар-1, Македонски Брод-1, Пехчево –4, Валандово-8, Виница-5, Делчево-1, Кратово-3, Свети Николе-12, Кичево-16, Ресен-4, Неготино-17. 

Денеска Институтот за јавно здравје регистрира 536 оздравени пациенти од: Скопје-153, Куманово-23, Штип-17, Прилеп-30,  Тетово-43, Струга-26, Велес-26, Битола-40, Охрид-18, Кавадарци-21, Гостивар-41, Гевгелија-15, Струмица-13, Крива Паланка-5, Радовиш-6, Крушево-1, Кочани-3, Пробиштип-3, Валандово-5, Виница-1, Делчево-3, Кратово-3, Свети Николе-13, Кичево-9, Ресен-8 и Неготино-10.

Вицепремиерот Љупчо Николовски е позитивен на коронавирусот.

РЕАГИРАШЕ ИНСТИТУТОТ ЗА ИСТОРИЈА ЗА НАЈАВЕНИТЕ ПРОМЕНИ

Институтот за историја при Филозофскиот факултет во Скопје денеска се огласи со жестока реакција за предлог концептот за кратење на предметот историја, односно негово вклопување во друг предмет заедно со општествени науки.

ЗАЕВ ВЕЛИ ДЕКА СЕ РАБОТИ НА РЕШАВАЊЕ НА ПРОБЛЕМОТ СО БУГАРИЈА

Премиерот Зоран Заев во брифингот со албанските медиуми денеска при посетата во Пустец рече дека се работи на отстранување на проблемот со Бугарија, но како што рече тој, не знае кој е тој.

- Ние продолжуваме да работиме на отклонување на проблемот со Бугарија, за кој што дури и не знаеме во што е проблемот. На крајот, заради тоа што сме пријателски земји, ние треба да си помагаме меѓу себе, за целиот Балкан да биде во ЕУ. Проблемот настана со долгото и краткото име - Република Северна Македонија и Северна Македонија. Ние потврдивме дека не постојат територијални претензии и го решивме на начин на кој го решаваат европски земји. Работиме на отклонување на омразата, на другите прашања како што е имплементирањето на Договорот за пријателство, инфраструктурата, историските личности итн. Можеби договорот не се реализра одлично, но се реализира добро. Но се надевам дека многу брзо ќе најдеме решение со Република Бугарија, рече Заев меѓудругото.

ЧИТАЈТЕ УШТЕ

Објавени се проектите со точните суми на пари чија изградба ќе треба да биде финансирана од 50-те милиони евра на ТАВ Македонија во договорот за пренамена на средствата што требаше да се потрошат за карго аеродромот во Штип, инаку обврска која операторот ја превзеде со добивањето на концесијата над аеродормите.

Владата се реши да го забрза колку што може повеќе проектот за новиот Клинички центар. Локацијата е избрана, се знае и отприлика колку многу пари ќе ја чини државната каса, а во собраниска процедура се најде и законско решение за овој проект, кое ќе се носи по скратена постапка.

Новиот директор на Дирекцијата за технолошко-индустриски развојни зони, ТИРЗ, Јован Деспотовски, денеска откри многу интересен податок, а тој е дека плтите на нашите работници кои работат во зоните се пониски од просечните плати на ниво на држава, а исто така и побавно растат во однос на просечните нето плати на другите граѓани во државава.

Новиот сопственик на железарската валавница „Либерти Галати“ е спремен да плати по 40 денари за акција која нема книговодствена вредност! На слободен пазар се над 2,2 милиони евра и нивната вредност изнесува 1,45 милиони евра

Од денеска стапуваат на сила новите рестриктивни мерки кои ги усвои Владата по препорака од Комисијата за заразни болести, со што стартува кампањата „Празнувај одговорно“.