ФАКТОР НА ДЕНОТ: Пензионирани полицајци споделувале службени тајни со криминалната група „Дуќанџик“
Објавено во: Македонија 04 Ноември, 2024
ПОРАНЕШНИ ПОЛИЦАЈЦИ БИЛЕ ДОУШНИЦИ НА КРИМИНАЛНА ГРУПА
МВР објави дека се лишени од слобода поранешни вработени во ова министерство. Иако не е експлицитно кажано за кого се работи, се алудира на оддавање информации на најголемиот нарко бос од Македонија, Шеваљ Муареми,кој во моментов е во бегство надвор од земјата. Акцијата завршила вчера со претрес во домовите на уапсените.
Кривична пријава е поднесена за „злосторничко здружување“ и „оддавање службена тајна“, а ја користеле познатата SKY/ECC апликација за да го информираат Муареми со користење на податоци од МВР. Информациите ги наплаќале, а со помош на тие податоци некои криминалци се спасиле од доживотен затвор.ЗА ПОЧИНАТОТО БЕБЕ ТРЕБА ДА СЕ ВИДАТ СИТЕ ОКОЛНОСТИ
Според министерот за здравство, Арбен Таравари треба да се видат сите околности во врска со смртта на бебето од Струмица.
Детето викендов почина на Детската клиника.
„Вчера добив информација од директорот на Клиниката за педијатрија. Се работи за бременост што не била следена баш како што треба, барем според информациите што ги добив. Потоа детето е задржано во домашни услови или во болницата во Струмица и кога е донесено бебето во Клиниката за педијатрија, веќе било во многу влошена состојба. Така што треба да се видат сите околности и според тоа и Министерството ќе постапи“, рече Таравари.ПОЧИНА ПИСАТЕЛКАТА ОЛИВЕРА НИКОЛОВА
Почина Оливера Николова, една од најплодните и најзначајни македонски писателки. Таа е родена во 1936 година, во Скопје. Учела во Струга и Велес, а завршила Филозофски факултет во Скопје. Работела како драматург на радио и телевизија. Таа е член на Друштвото на писателите на Македонија од 1963 година.
Попознати нејзини дела за деца се: „Зоки Поки“, „Земја во која не се стигнува“ (Награда на РТВ и Струшки вечери,1966), „Пријателите Бон и Бона“ (Награда на РТВ и Струшки вечери,1975), „Мојот звук“ (Награда 'Младо поколење',1978), „Девојките на Марко“, „Љубоболки“, „Шифри на каменот“, „Преминот не е осветлен“, „Светлосна година“, и други.СРПСКИ МИНИСТЕР СИ ПОДНЕСЕ ОСТАВКА ПО ТРАГЕДИЈАТА ВО НОВИ САД
„Падна“ и првата оставка во Србија, по несреќата која деновиве се случи во Нови Сад, каде се урна натстрешница на Железничка станица при што загинаа 14 луѓе, меѓу кои и еден македонски државјанин.
Министерот за градежништво, транспорт и инфраструктура во Србија, Горан Весиќ одржа вонредна прес-конференција на која изјави дека утре претпладне и официјално ќе поднесе оставка.ЧИТАЈТЕ УШТЕ
Австрискиот гигант „Раух“ (Rauch Fruchtsafte GMBH), еден од водечките производители на сокови во Европа, официјално е нов сопственик на ресенската фабрика за преработка на овошје и еден од најголемите откупувачи на јаболка во земјата Вита-Рес.
Не трилер, туку вистинска драма се случува деновиве со акциите на Македонијатурист. Фрчат блокови, купувачите не прашуваат за цена.
Можеби како доминантен акционер им успеа да ја спречат продажбата на Стопанска банка Битола на Комерцијална банка, ама очигледно не им успеа да си го подобрат работењето во својот двор, па наместо да ја зголемат, ја намалија својата добивка за првите девет месеци од годината, и тоа за цели 59 проценти.
Законот за концесии и јавно приватно партнерство ќе се менува со цел да се создадат услови за промени на договорите преку анекси и искористување на неискористените средства од еден за друг проект, односно да се пренаменат.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МАКЕДОНСКИ АВТОБУС ЗАГЛАВИ ВО СНЕЖНИТЕ НАНОСИ ВО СРБИЈА, УДРИЛ ВО БАНКИНА: Невремето со снег направи хаос
ПУСТОШ ВО ДЕБАР, БИТОЛА, ШТИП, ВЕТРОТ ОТКОРНА 100-ГОДИШНИ ДРВЈА: Неделава со поларни температури
МИЦКОСКИ: Ќе излеземе со нов предлог-проект за набавка на 100-120 електрични автобуси кои нема да бидат само за ЈСП
ФАКТОР НА ДЕНОТ: Се одржа протест поради проблемите со јавниот превоз во Скопје
ВЕЧЕРВА ПОЛЕСНО СЕ ДИШЕ: Куманово и Струмица се средно загадени
ПО ШТИП, НА УДАР И БИТОЛА: Силниот ветер направи штети
ОШТЕТЕН ПОКРИВ НА УЧИЛИШТЕ И ПАДНАТИ ДРВЈА: Силен ветер направи хаос во Штип
СИЉАНОВСКА-ДАВКОВА ЈА ПРИМИ ШЕКЕРИНСКА: Искрени честитки за оваа престижна функција, која е не само лично, туку и државно признание
ГРАД СКОПЈЕ: Ерџан Демир требал да ги информира своите сограѓани дека токму неговата партија одбива да гласа за набавка на нови автобуси
