Уапсени поранешни полицајци доушници на нарко босот Шеваљ Муареми
Објавено во: Македонија 04 Ноември, 2024
МВР објави дека се лишени од слобода поранешни вработени во ова министерство. Иако не е експлицитно кажано за кого се работи, се алудира на оддавање информации на најголемиот нарко бос од Македонија, Шеваљ Муареми,кој во моментов е во бегство надвор од земјата. Акцијата завршила вчера со претрес во домовите на уапсените.
Кривична пријава е поднесена за „злосторничко здружување“ и „оддавање службена тајна“, а ја користеле познатата SKY/ECC апликација за да го информираат Муареми со користење на податоци од МВР. Информациите ги наплаќале, а со помош на тие податоци некои криминалци се спасиле од доживотен затвор.
До Основно јавно обвинителство за гонење на организиран криминал и корупција, поднесена е кривична пријава против Д.Г.(58), Е.А.(58) и О.П.(44), сите од Скопје, поради постоење основи на сомнение за сторени кривични дела „злосторничко здружување“, „оддавање службена тајна“, „попречување на правдата“ и „противправно стекнување и прикривање имот“.
„Пријавените Д.Г. и Е.А., во периодот кога биле вработени во Министерството за внатрешни работи, заедно со О.П., се приклучиле на организирана криминална група за која прибавувале, соопштување, пренесување или на друг начин овозможувале достапност на податоци што претставуваат службена тајна. Во периодот од декември 2019 година до март 2021 година, знаејќи за постоење на интерес на поголем број на личности за добивање на вакви податоци и службени информации за актуелни криминалистички истражувања, планирани мерки и активности за лишување од слобода, со посебен акцент за податоци дали и против кои личности и од кои причини се спроведуваат оперативни и истражни дејствија, како и дека таквите податоци и информации можат да се прибават со давање на парични награди, се поврзале со оваа криминална група во која имале посебна улога за пренесување службени информации, поврзани со организирани криминални групи инволвирани во извршување на криминални активности од повеќе области, особено на тешки кривични дела, од кои за некои е предвидена и казна доживотен затвор“, соопшти министерството.
Апликацијата од доушниците била користена додека криминалците договарале и преземале активности за организирање на набавка и пренесување на кокаин од земјите на Јужна Америка до земјите на ЕУ и РС Македонија.
„Начинот на кој пријавените ги извршувале делата предизвикало штета врз работењето на државните органи во постапките за кривичен прогон на лица, кои се од значење за јавната безбедност, безбедносните и разузнавачките активности на органите, како и прибирање и пренесување на информации кои не се наменети за јавна употреба, а со чие откривање се намалила ефикасноста на работењето на државните органи. На 03.11.2024, по преземени оперативно - тактички мерки и активности, како и врз основа на наредби од Основен кривичен суд Скопје, извршен е претрес во домовите на лицата, при што се пронајдени и одземени повеќе мобилни телефони, лап - топ компјутер и разновидна документација. Лицата се лишени од слобода“, информираат од МВР.
Можеби ќе ве интересира
„МАКЕДОНСКА КРВАВА СВАДБА“ СТАНА БУГАРСКА: Бендевска го информираше обвинителството дека уште работи бугарскиот клуб во Битола
„МАКЕДОНСКА КРВАВА СВАДБА“ СТАНА БУГАРСКА: Бендевска го информираше обвинителството дека уште работи бугарскиот клуб во Битола
ФАКТОР НА ДЕНОТ: Пензионирани полицајци споделувале службени тајни со криминалната група „Дуќанџик“
ФАКТОР НА ДЕНОТ: Пензионирани полицајци споделувале службени тајни со криминалната група „Дуќанџик“
ГО ПОЧУВСТВУВАА И СКОПЈАНИ: Земјотрес имаше на границата меѓу Македонија, Србија и Косово
ГО ПОЧУВСТВУВАА И СКОПЈАНИ: Земјотрес имаше на границата меѓу Македонија, Србија и Косово
(ВИДЕО) ЗАБАВАТА СО ЗАЕВ ВО ДУБАИ Е ПРИВАТНА РАБОТА: Филипче не сака да коментира
(ВИДЕО) ЗАБАВАТА СО ЗАЕВ ВО ДУБАИ Е ПРИВАТНА РАБОТА: Филипче не сака да коментира
TAРАВАРИ ЗА ПОЧИНАТОТО БЕБЕ: Се работи за бременост што не била следена баш како што треба
TAРАВАРИ ЗА ПОЧИНАТОТО БЕБЕ: Се работи за бременост што не била следена баш како што треба
КАСАМИ ВЕЛИ ДЕКА ПРЕЗЕМАЛЕ ОБВРСКА ЗА АЛБАНСКАТА АКАДЕМИЈА: Очекува поддршка во советот
КАСАМИ ВЕЛИ ДЕКА ПРЕЗЕМАЛЕ ОБВРСКА ЗА АЛБАНСКАТА АКАДЕМИЈА: Очекува поддршка во советот
БГНЕС: На кејот на Вардар во Скопје има графит со боите на бугарското знаме и натпис „Бугарите во Уставот“
БГНЕС: На кејот на Вардар во Скопје има графит со боите на бугарското знаме и натпис „Бугарите во Уставот“
Ацевски: Да се преиспита финансирањето на „шангајските“ стипендии
Ацевски: Да се преиспита финансирањето на „шангајските“ стипендии
ЕВЕ ДО КАДЕ Е ПАТОТ ЕЛБАСАН-ЌАФАСАН: Еди Рама се пофали на Фејсбук
ЕВЕ ДО КАДЕ Е ПАТОТ ЕЛБАСАН-ЌАФАСАН: Еди Рама се пофали на Фејсбук
