ФАКТОР НА ДЕНОТ: Во регионот патување без ПЦР тест, а денес имаме 225 заразени со Ковид -19

Добивај вести на Viber

МАКЕДОНЦИТЕ ВО ЗЕМЈИ ОД РЕГИОНОТ ЌЕ ПАТУВААТ БЕЗ ПЦР ТЕСТ

Од следниот понеделник овозможен е непречен влез на странските државјани од Србија, Косово, Црна Гора и Босна и Херцеговина, без приложување медицинска потврда со негативен ПЦР тест( RT PCR SARS CoV-2 тест). Владата пред малку ја усвои оваа одлука која следува по координација со министерствата за здравство од регионот.

Веста ја објави на фејсбук премиерот Зоран Заев. Во овие земји, за кои нивните граѓани досега имаа обврска при влез/транзит во нашата земја да приложат негативен RT PCR SARS CoV-2 тест, по принципот на реципроцитет е договорено и нашите граѓани да патуваат во овие земји, без обврска да приложат негативен тест.

ДЕНЕС ВИСОКА БРОЈКА НА ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 1841 тестирања, а регистрирани се 225 нови случаи на ковид-19 во: Скопје-120, Куманово-10, Штип-8, Прилеп-15, Тетово-17, Струга-6, Битола-7, Охрид-4, Гостивар-1, Гевгелија-3, Струмица-13, Крива Паланка-2, Кочани-6, Пробиштип-2, Берово-3, Виница-1, Делчево-1, Свети Николе-3, Кичево-2, Неготино-1 .

Денеска Институтот за јавно здравје регистрира 159 оздравени пациенти од: Скопје-56, Куманово-13, Прилеп-10, Тетово-10, Струга-2, Битола-3, Охрид-1, Кавадарци-2, Гостивар-9, Гевгелија-2, Струмица-14, Крива Паланка-3, Радовиш-2, Кочани-14, Пробиштип-2, Македонски Брод-1, Берово-2, Делчево-1, Свети Николе-4, Кичево-7, Неготино-1. 

ВЛАСТИТЕ ЗАДОВОЛНИ ОД ИЗВЕШТАЈОТ НА ЕК

Заменик-претседателот на Владата задолжен за европски прашања, Никола Димитров вели дека вториот дел од периодот што го покрива извештајот на Европската комисија беше полн со предизвици. 

Изјави дека Македонија постигна напредок и се задоволни од целокупната оценка на Европската Комисија.

Според Димитров, оценката за вкупната подготвеност за напредок на Македонија е 3, 11 или добро ниво на подготвеност, што значи дека споредебено со лани има одредено поместување во нагорна линија, затоа што оценката за подготвеност лани била 3,06.

СО СПРЕЈ ИЧКРТАНИ ТАБЛИТЕ НА СПОМЕНИЦИТЕ ВО СКОПЈЕ И БИТОЛА

Синоќа новопоставените табли на статуите од мосотот „Око“ во Скопје се испрскани со црвен спреј.

Изминатите денови  беа поставени знаци со дообјаснување дека личностите кои имаат свои монументи на мостот се дел од „хеленистичка историја“.

Објаснувањето на метални плочи пред спомениците е дел од обврската преземена од Македонија со Договорот од Преспа,

ЧИТАЈТЕ УШТЕ

Малиот Илче од Охрид, кој беше напуштен од родителите, а кој потоа успешно беше лекуван на Клиниката за детски болести во Скопје, од каде пред точно два месеца со насмевка замина, синоќа ненадејно починал, потврдија денеска од Министерството за Труд и социјална политика за Фактор.

Во Поликлиниката Ѓорче Петров, односно во пунктот за тестирање, за отприлика две недели ќе ги има брзите тестови за Ковид-19, кои же даваат резултат за 15 до 20 минути, вели за Фактор директорот на Здравствен дом-Скопје, д-р. Виктор Исјановски.

Државата ќе ви го врати целиот Данок на додадена вредност што сте го платиле за време на продолжениот „Викенд без ДДВ“ и тоа во рок од 15 дена од скенирањето на сметките. 

Сопствениците и вработените во ноќните клубови утре ќе протестираат пред Владата. Бараат две клучни работи. 

Нови обврски и нов трошок им се наметнува на инструкторите во автошколите во земјава. Тие ќе мора да полагаат испит за да добијат лиценца за инструктор, за што ќе мораат да платат 100 евра, односно 6.000 денари. 

Нема ризик за Владата да ги обезбеди парите со кои ќе го финансира значајниот буџетски минус до крајот на годината, но можно е економскиот пад да биде уште поголем од очекуваниот, особено ако потрае кризата.

Трговијата на големо со текстил веројатно е единствен или еден од ретките бизниси во кој не диктираат темпо ниту доминираат скопски фирми.

Државната комисија за спречување на корупција го објави Анкетниот лист на Бојан Маричиќ кој со превземањето на министерството за правда за прв пат стана државен функционер во својата политичка кариера, а според истиот поседува возило кое го купил на старо, вложувал во инвестициски фондови и подигнал кредит од 50.000 евра.

Голем број на активни случаи на коронавирусот има во малите градови во Источна Македонија, како што се Делчево, Кочани, но и Свети Николе.