ФАКТОР НА ДЕНОТ: Засега нема полициски час, денес има 15 жртви на коронавирусот

Добивај вести на Viber

НЕМА ПОЛИЦИСКИ ЧАС

Претседателот на Комисијата за заразни болести, д-р. Жарко Караџовски на денешната заедничка прес-конференција со министерот за здравство, Венко Филипче, нагласи дека и покрај лошата епшидемиолошка состојба во земјава засега нема да биде имплементирана најтешката мерка, односно Сценарио-Ц, кое подразбира воведување полициски час. 

НОВИ 15 ЖРТВИ НА КОРОНАВИРУСОТ

Министерството за здравство информира дека во последните 24 часа се направени 737 тестирања, а регистрирани се 247 нови случаи на ковид-19 во: Скопје-116, Куманово-4, Штип-12, Прилеп-23, Тетово-10, Струга-12, Велес-7, Битола-8, Охрид-14, Кавадарци-2, Гостивар-10, Струмица-6, Крива Паланка-3, Радовиш-2, Кочани-3, Пробиштип-5, Демир Хисар-1, Македонски Брод-1, Кичево-6 и Ресен-2

Денеска Институтот за јавно здравје регистрира 321 оздравени пациенти од: Скопје-189, Куманово-12, Дебар-1, Штип-9, Прилеп-15, Тетово-8, Струга-5, Велес-1, Битола-3, Охрид-7, Кавадарци-5, Гостивар-3, Гевгелија-7, Струмица-16, Крива Паланка-6, Кочани-11, Пробиштип-2, Берово-3, Валандово-5, Свети Николе-4, Кичево-6, Ресен-2, Неготино-1. 

Починати се 15 лица, двајца пациенти од Скопје (73 и 78г), еден од Куманово (68г), тројца пациенти од Тетово (60, 70 и 77г), двајца од Струга (73 и 75г), еден од Велес (58г), еден од Охрид (69г), еден од Кавадарци (71г), еден од Гостивар (71г), еден пациент од Гевгелија (76г) и двајца пациенти од Кочани (49 и 68г). 

КУЌНИТЕ СЛАВИ БЕЗ ГОСТИ

Комисијата за односи со верските заедници, инаку тело формирано од Владата, во пресрет на периодот во кој голем број семејства ширум државата ги чествуваат домашните православни празници, ги повика семејствата да не повикуваат гости за куќните слави.

Од таму упатуваат aпел до нив празнувањата да бидат исклучиво во кругот на членовите на семејството, а исто така им порачуваат и на оние кои ќе бидат поканети да не се одзиваат на поканата.

ПОЛИЦИЈАТА ЌЕ ГИ ПРОВЕРУВА ДОМОВИТЕ

„Во ниту еден момент нема да го нарушиме неприкосновеното право на домот, но ќе мора да има контроли. По допрен глас, или по пријава, полицијата ќе може да интервенира кај сопственикот и да провери дали има повреди на мерките против Ковид-19 или не, рече Оливер Спасовски за „Слободна ТВ“.

Ова министерот за внатрешни работи го рече во контекст на најавеното донесување на пакетот на рестриктивни мерки како законски измени во Собранието, дополнувајќи дека полицијата се координира со кризниот штаб.

ЧИТАЈТЕ УШТЕ

Иако минатата година немаше ниту корона ниту други заразни болести, Владата не успеала ниту да ги собере планираните пари во буџетот, ниту, пак, да ги потроши оние што ги предвидела.

Само во последните три дена, за временна продолжениот викенд, од корона вирусот во болнички услови починаа дури 45 пациенти. 

На утринскиот редовен состанок на Комисијата за заразни болести, по алармантната епидемиолошка состојба во земјава, кога само за три дена починаа 45 болни од вирусот, и се хоспитализирани речиси 600-пациенти, членовите велат итно да се отворат уште две дополнителни одделенија во ГОБ „8 Септември“, како и да се стават во функција уште болнички капацитети во Ковид-центарот „Козле“

Челичните конструкции се отпорни на корона кризата. „Факом“ има феноменални резултати. Друштвото има раст на приходите за 15 отсто, раст на профитот за 11 пати во споредба со лани.

Мерките кои ги препорачуваме како Комисија за заразни болести, треба да донесат поголем бенефит, отколку штета на државата, смета директорот на Центарот за јавно здравје и член на Комисијата, д-р. Александар Стојанов.

Македонците и оваа есен дишат загаден воздух. Деновиве мерните станици на Министерството за животна средина покажаа високо и многу високо загаден воздух во Куманово, Тетово, Кавадарци, Гевгелија и други градови.